Breudwd Welsh Prose 1300-1425
Cymraeg

NLW MS. Peniarth 37 – page 7r

Llyfr Cyfnerth

7r

o trayan y brenin. yr eidon a| dewisso.
mab neu nei uab braỽt yr brenin. uyd
y penteulu. Or gat y brenin. neb ar
uar odis tal y pentan or teulu Goho+
det y penteulu attaỽ hỽnnỽ. Ar tal
y neuad yd eisted y penteulu ar teu+
lu yn| y gylch. March byth yn osseb
a| geiff y gan y brenin. Dỽy rann a| ge+
iff y uarch or ebran. Breint effeirat teulu
Y Neb a sarhaho effeirat teulu Di+
odeuet. kyfreith. sened. Ac am y sarha+
et Deudeng mu a| telir idaỽ. y trayan
a| geiff ef. Ar deuparth yr brenin. Effe+
irat teulu a geiff y wisc y penytyo
y brenin. yndi yn erbyn y pasc. Ef
bieu offrỽm y brenin. Ar teulu. Ac
offrỽm y saỽl a| gymerho offrỽm
yn| y teir gỽyl arbenhic y gan y brenin.