Breudwd Welsh Prose 1300-1425
Cymraeg

NLW MS. Peniarth 37 – page 58v

Llyfr Cyfnerth

58v

a|th|rodeis y ỽr uorỽyn. Eil yỽ Erchi
mynet o·honi at y gỽr y gysgu Try+
dyd yỽ y gwelet yn kyuodi y bore y
ỽrth y gỽr ac o achos pob un or tri hyn+
ny y tal y gỽr amobyr yr arglỽyd ae
chowyll. Ae hegwedi idi hitheu. ~
TRi argay gwaet. Mynwes. A
gỽregys perued a gỽregys llaỽdỽr.
TRi hely ryd yssyd ym pob gỽlat;
Canyt oes tref tat udunt. Dy+
uyrgi a chadno a iỽrch
TRi anhebkor kenedyl; Teispan
tyle a dialỽr kenedyl ae hardelỽr
TRi gwanas gwayỽ kyureithaỽl
y myỽn dadleu. Un yỽ gwan y
arllost yn| y dayar ac un llaỽ yny uo
abreid y tynnu a dỽylaỽ. Eil yỽ gwan
y penn y myỽn tỽyn yny cudyo y m*