Breudwd Welsh Prose 1300-1425
Cymraeg

NLW MS. Peniarth 37 – page 58r

Llyfr Cyfnerth

58r

uach ny chymhello iaỽn ac am alanas.
TEir gwarthrud kelein. Gouyn
pỽy a ladaỽd hon. Pieu yr elor
hon. Pieu yr bed hỽn.
TRi chehyryn canastyr. lledrat a
hyd brenin. Ac a·bo bleid. ~
TRi phren ryd yssyd yn forest. Crib
eglỽys. A gwyd elor. A pheleidyr
a el yn reit y brenhin
TRi lle ny dyly dyn rodi llỽ gweil+
yd. Un yỽ; Pont o un prenn heb
ganllaỽ idi. Eil yỽ ar porth y uyn+
went Canys canu y pader a dyly y+
na rac eneideu cristonogyon y byt
ac ar drỽs yr eglỽys Canys canu
y pader a dyly yna rac bron y groc.
TEir gwaruthud* morỽyn. Un
yỽ dywedut oe that ỽrthi. Mi