Breudwd Welsh Prose 1300-1425
Cymraeg

NLW MS. Peniarth 37 – page 57r

Llyfr Cyfnerth

57r

TRi chyffredin gỽlat. lluyd. A
dadleu ac eglỽys. ~
TEir kyurinach yssyd well eu
dywedut noc eu kelu Colledu
dy arglỽyd. A chynllỽyn a llad o dyn
y dat ot adeuir yg kyfrinach.
TRi diỽyneb gỽlat. Arglỽyd ac
offeirat. A chyfreith. Ac ny ellir
bot hebdunt mal kynt. ~
TRi pheth os keiff dyn ar ford ny
ỽrthep y neb perchennaỽc ohonu
Pedol. A notwyd. A cheinaỽc. ~
TRi ergit ny diwygir. Ergit y
karỽ y myỽn yt. Ac y ebaỽl gwyllt
yn yt. Ac y ki y myỽn  .
TRi gỽg ny diwygir. Gỽg gỽr
ỽrth wreic a rodit  rith morỽyn
idaỽ a hitheu yn wreic. Ar eil yỽ dife+