Breudwd Welsh Prose 1300-1425
Cymraeg

NLW MS. Peniarth 37 – page 28r

Llyfr Cyfnerth

28r

nedyl sarhaet gyt a neb tra uo da
ar y helỽ ef. O diffyr y da ef hagen
Jaỽn yỽ rannu gwerth y sarhaet
hyt y tryded ach. [ y neb a talho
galanas Or byd y genedyl oll yn un
wlat ac ef. Cỽbyl dal a dylyir y gan+
taỽ erbyn penn y pytheỽnos. Or byd
y genedyl yn wasgaredic yg gỽladoed
llawer oet pytheỽnos yssyd iaỽn yg
kyueir pob gỽlat. Oer·gỽymp galanas.
OEr·gỽymp galanas yỽ pan lad+
ho dyn gỽr arall a dodi oet dyd y
diuỽyn y gyflauan honno ae lad ynteu
o ỽr o genedyl arall ny dylyo dim idaỽ
kyn diuỽyn y gyulauan honno. Sef
y gelwir yn oer·gỽymp galanas y gỽe+
ithret hỽnnỽ rac trymhet y colli ef
a thalu yr alanas ar wnathoed gynt.