Breudwd Welsh Prose 1300-1425
Cymraeg

NLW MS. Peniarth 37 – page 12r

Llyfr Cyfnerth

12r

hines. Ar trydyd y gan y distein;
llemysten dof a| geiff pob gỽyl uihang+
el. Ancỽyn a| geiff yn| y lety seic a| ch+
orneit llyn. Ef bieu trayan dirỽy
a chamlỽrỽ. Ac ebediỽ a gobyr merch+
et y kynydyon y gyt ar brenin. y by+
dant y kynydyon or nadolyc yny he+
lyont e·wiget y gwanhỽyn. Or 
pan dechreuhont hely y kynteuin
hyt naỽuet dyd mei y neb ae holo
ny cheiff dim onyt sỽydaỽc llys uyd
y tir a| geiff yn ryd. A march byth
yn osseb y gan y brenin. Dỽy rann a ge+
iff y uarch or ebran. Pedeir. keinaỽc. kyfreith.
a| geiff y gan bob kynyd milgi. Ac
ỽyth y gan bob kynyd gellgi pan
delynt yg gwassanaeth y brenhin
y neb a holo y penkynyd keisset y