Breudwd Welsh Prose 1300-1425
Cymraeg

NLW MS. Peniarth 32 (Y Llyfr Teg) – page 134

Llyfr Iorwerth

134

yny vo iach. ac ony byd iach; trigyet ganthaỽ hỽnnỽ.
Pedeir pedol ac eu to hoelon; dỽy geinhaỽc. O|r
gỽerthir march a|thỽyỻ yndaỽ. ac na bo odieithyr
y croen; ony byd vn o|r|tri heint; ny dylyir o·nyt y
lỽ na|s|gỽydyat.  ~ ~ ~  
G ỽerth eboles; pedeir keinhaỽc hyt y pedwy+
ryd dyd ar|dec gỽedy ganher. ac o hynny
aỻan hyt ympenn y vlỽydyn; vn ar|bymthec.
O hynny hyt ym·penn y dỽy vlyned; deudec ar
hugeint. Gỽedy bo teir|blỽyd; trugeint. ac yna
gỽenn arnei. Gỽerth y mỽg. un werth a|e chebys+
tyr; keinhaỽc kyfreithY theithi yỽ. tynnu pỽnn ỻusc;
ac vn traỽs yn aỻt ac yg|gỽaeret. ac ony byd
ueỻy hi; atuerer traean y gỽerth. 
A M lo. o|r nos y ganer hyt galan gaeaf;
pedeir keinhaỽc kyfreithO galan gaeaf aỻan;
dỽy geinhaỽc bop tymhor hyt yr aỽst y dyly y
hymol. a naỽuetdyd y|r aỽst hỽnnỽ y drycheif
arnei pedeir keinhaỽc heb ardrychafel. am y
chyflodaỽc. ac o hynny aỻan dỽy geinaỽc bop
tymhor. hyt naỽuetdyd mei. a|r dyd hỽnnỽ alu.
a thrugeint vyd y gỽerth. a|e ỻo a dyly ymdeith
naỽ cam y dyd hỽnnỽ. a hitheu dyuot llaeth
o|e phedeir|teth. Gỽerth y ỻo; pedeir keinaỽc
heb ardrychafel hyt galan gaeaf. ac o hynny
aỻan; vnwerth a|phob ỻo. vn ar|bymthec am y