Breudwd Welsh Prose 1300-1425
Cymraeg

NLW MS. Peniarth 32 (Y Llyfr Teg) – page 114

Llyfr Iorwerth

114

hỽnnỽ na|r da. kany dyly kenedyl namyn sar+
haet eu kar a|e alanas. ac nat oes yn hynny
na|drychaf na gossot na gỽaet. na gỽeli na  ̷
choỻ eneit. a|r ỻe ny bo hynny; nyt oes na
sarhaet na galanas. ac ỽrth hynny ny dyly
y genedyl dim. Kam yỽ gỽneuthur yr affeitho+
ed uchot; ac ỽrth hynny yr|arglỽyd a|dyly cam+
lỽrỽ ymdanadunt herỽyd meint yr affeithoed.
vn yn vn·dyblyc. araỻ yn deu·dyblyc. araỻ
yn tri·dyblyc. kan·ny bu ymlad yno. a phei ym+
lad a vei yno; dirỽy yr arglỽyd a vydei. Sef yỽ
messur y dirỽy; deu·deg|mu. neu deir|punt.
Messur camlỽrỽ; teir bu. neu naỽ ugeint ary+
ant. Pỽy bynnac a vo ỻofrud; galanas gỽ+
byl a daỽ arnaỽ. 
U al hynn y rennir galanas. Y traean ar
y ỻofrud. a|e dat a|e vam gyt ac ef o|r byd+
ant vyỽ. ac o hynny y deuparth arnaỽ ef. a|r
traean ar y tat a|r vam. ac o|r traean a|daỽ ar
y vam a|r tat; dỽy geinhaỽc a daỽ ar y tat ac
vn ar y vam. O deruyd. bot plant y|r ỻofrud. a bot
oet arnadunt y dylyont talu; kymeint a|dy+
ly ef y dalu a|deu o·nadunt ỽy. a|dỽy geinhaỽc
ar y vraỽt. ac vn ar y chwaer. O|r|deu·parth
a daỽ ar y genedyl; y|traean a|dal kenedyl y
vam a|r|deuparth kenedyl y tat. ac veỻy y kerda