Breudwd Welsh Prose 1300-1425
Cymraeg

NLW MS. Peniarth 21 – page 33r

Brut y Brenhinoedd

33r

1

ar vn dyrnawt ef a|y hanafei yny
vei anobeith nev y vynet y|anghev
tervynedic. Ac yna ffo a|oruc pawb
racdaw mal y|ffoei yr aniveilieit
gwann rac y|llew dywal pan vei
newyn mawr arnaw ac ny nodei
ar|vei racdaw. A|deu vrenhin a|gyvar  ̷+
vvant ac ef. Sertomus brenhin libia
A|politetes brenhin brenhin* bithina ac. arthur.
a|y|lladaw* ell|dev ar dev drnawt. A|ffan
weles y|brytanyeit ev brenhin mor vvdy  ̷+
gyawl a|hynny ymogynnanv a|oruc  ̷+
gant wyntev ac enynnv o|lewder
a|mlwryaeth ac ymgymysgv yr* wra  ̷+
wl rymvs a|gwyr rvvein. Ac yna gwr  ̷+
thynebv vdvnt a|oruc gwyr rvvein
drwy dysc ev hamerawdyr yn ffyned  ̷+
ic y|r brytanyeit hyt nat oed hawd
adrawd meint vv yr aerua yna o
bob tv. a|dahet yd|oed pob vn o|r dev
amerawdyr yn annoc ev gwyr. Ac
wyntev yll dev yn llad a|gyvarffei
ac wynt ygyt a|dysgv ev lluoed
ym pob mam Ac val yd oedynt
velly yn ymgyvogi. Ynychaf marvd
dywyssawc kaer loew a|edewssitt
ar|neilldv a|lleng o|wyr ganthaw
Ac yn|ehwybyr gyflym dysgetic
gwassgarv gwyr rvvein ac ev llad
ac ev bwrw ac ev hanavv a|llad lla  ̷+
wer val nat oed hawd ev rivaw
pan las lles amerawdr rvvein
Ac ym perued y kynhwrwf hwnnw

2

a|r ymffust y|gwant vn a|gwayw
lles amerawdr rvvein yny dygwyd  ̷+
awd yn varw yr llawer. Ac ny
dyweit y|llyuyr pwy o|wyr arthur
a|y lladawd pan orvv arthur yn rvvein
Ac yna wedy kolli aneirif oc ev
llvoed y|gorvv y|brytanyeit a|gwas+
sgarv gwyr rvvein ac ev kymell y|ffo
y|r lleoed y|tebygynt kaffel diogel  ̷+
wch val y|dangossei ev tynghetven
vdvnt ac ar|nyt ymrodes onadvnt
o|y vod yng|karchar y|brytanyeit
ac ev hymlidiawd ac a|y dalyassant
a|vei wiw ev daly ac a|y lladassant
ar ny ffoeS yn amser onadvnt
A|hynny o|vrawt y|gan duw e|hvn
am ev gev draha yn kymhell ar+
nam ni yn enwir engiriawl bot
yn drethawl vdvnt heb y|dlyv
Ac yna wedy caffel o|r brytanyeit
y|vvdygolyaeth erch a|oruc. arthur.
Gwahanv korfforoed y wyr ef
y|wrth gorfforoed gwyr rvvein
Ac ev hanvon y|vanachlogoed
drwy gyweir brenhinyawl y|r gwlat+
doed yd hanoedynt onadvnt
Ac yna yd erchis. arthur. anvon
betwyr y|benn·trullyatt ef a|y
wyr normanndi y|dinas a adeilas+
sei y|hendat a|r flandryssyeit
yn|y dwyn. Ac yna y|mewn myn+
went yssyd ger llaw y|mvr
o|r parth dehev y|r dinas y|kladwt
yn|anrydedus