Breudwd Welsh Prose 1300-1425
Cymraeg

NLW MS. Peniarth 190 – page 13

Ystoria Lucidar

13

wdant ỽy dim ohonunt. dy·eithyr a gynnuỻ+
ont o|r petheu a|aethant heibyaỽ. a|chymeint
ac a ganhattyo duỽ udunt y wybot Medylyeu
dynyon a|e hewyỻys. ny|s gỽyr neb dy·eithyr
duỽ e|hun. a|r neb y mynno duỽ y venegi idaỽ.
discipulus A aỻant ỽynteu bop peth o|r a vynnont. Magister
Da ny|s mynnant ỽy ac ny|s gaỻant. a|r
drỽc hagen y maent graff iaỽn. ac ny aỻant
ỽy gymeint ac a vynnont. dy·eithyr kymeint
ac a atto yr engylyon da udunt. discipulus Beth a|dyỽ+
edy di am yr engylyon da. Magister Gỽedy kỽympaỽ
y rei ereiỻ y kadarnhawyt ỽynteu. hyt na
eỻynt vyth na dygỽydaỽ na phechu. discipulus Pa+
ham na|s gellynt. Magister|Am na|s mynnynt. disciplus Pa+
ham na chadarnhaỽyt y rei ereill ueỻy. Magister
am nat arhoassant kyhyt a|hynny. discipulus Ae
kỽymp y rei ereiỻ a|vu achaỽs o|e cadarnhau
ỽynteu. Magister Nac ef. namyn y obryn o·nadunt.
kanys pan welsant ỽy y rei drỽc yn ethol drỽc
drỽy syberỽyt. sorri a|wnaethant ỽynteu a
glynu ỽrth y|da mỽyaf yn gadarn. ac ym|pỽyth