Breudwd Welsh Prose 1300-1425
Cymraeg

NLW MS. Peniarth 190 – page 12

Ystoria Lucidar

12

pei as gỽnelynt drỽy gymeỻ. ac ỽrth hynny
duỽ a|rodes udunt ryd ewyỻys. megys y geỻ+
ynt ac y mynnynt dewissaỽ y da mỽyhaf. ac
os hynny a etholynt oc eu bod e|hun. iaỽn
oed udunt gaffel tal. a gobrỽy. ac na eỻynt
bechu vyth wedy hynny. discipulus Paham y creaỽd
duỽ ỽynteu ac ef yn gỽybot y bydei udunt
ual y bu. Magister O achaỽs adurn y weithret. ka+
nys megys y dyt ỻiwyd lliỽ du. ual y bo
gỽeruaỽrussach* y ỻiỽ gỽynn neu|r coch. ve+
lly o gyffelybrỽyd y rei drỽc y bydant eglurach
y rei kyfyaỽn. discipulus Paham na chreaỽd ef eng+
ylyon ereiỻ yn ỻe y rei hynny. Magister Ny|s dylyei
ony bei rei kyfryỽ a|r rei hynny. pei tricky+
ynt yn diboen. yr hynn ny allei vot. kanys
yr aỽr y pechassant y|dygỽydassant. discipulus A wy+
byd kythreul bop peth. Magister O natur angel ef
a|wybyd ỻawer. Ny wybyd ef hagen bop peth.
ac megys y mae manweidyach natur angel.
noc vn dyn. velly y mae kyfarỽydach a|hu+
odlach noc ef. Y petheu a delont rac llaỽ ny