Breudwd Welsh Prose 1300-1425
Cymraeg

NLW MS. Peniarth 190 – page 113

Ystoria Lucidar

113

ny oleuhaa. Yr eil poen yỽ oeruel anniodefedic
ac a|dywedir am·danaỽ. pei|byrit mynyd o|dan
yndaỽ yd aei yn vn iaen. ac am y dỽy|boen
hynny y dywedir. Yno y byd wylaỽ a|chrynu
danned. kanys y mỽc a|gyffry y ỻygeit y wy+
laỽ. a|r oeruel a|beir y|r|danned grynu. Y dry+
ded boen yỽ pryfet anuarỽaỽl o seirff a|drei+
geu aruthyr o|olỽc a|chwibanat. ac eu byỽ+
yt yn|y fflam megys pysgaỽt yn novyaỽ
yn|y dwfyr. Y bedywyred boen yỽ drewyant
anniodefedic. ac nyt oes boen a|aỻer y
chyffelybu y honno o drueni. Y bymhet
boen yỽ dyrnodeu y dieuyl yn kuraỽ yr ene+
ideu. megys yrd yn|kuraỽ haearn. Y chỽech+
et boen yỽ tywyỻỽch y keffir oneit dỽylaỽ
ohonaỽ. megys y dywedir. Daear y tywy+
ỻỽch yỽ hi. e nyt oes vn urdas namyn a  ̷+
ruthred tragywyd yn|y gyuanhedu. Seithuet
yỽ. kewilyd rac poeneu. kanys yno y byd+
ant amlỽc y baỽp y hoỻ weithredoed. ac ny
eỻir eu cudyaỽ. Yr wythuet yỽ aruthret gỽe+
let y dieuyl a|r seirff. a|r dreigeu. a|chan wry+
chyon