NLW MS. Peniarth 19 – page 67v
Brut y Brenhinoedd
67v
275
yttoedynt yn newidyaỽ clef+
ydeu pob vn yn ỻauuryaỽ ageu
y gilyd yna y|gỽelit y tan o|r
cledyfeu ac o|r helmeu yn ehe+
dec megys ỻucheit ymlaen
taran. a hir y buant heb wy+
bot pỽy oreu na phỽy dewraf
nac y bydiỽ y damchweinyei
y uudugolyaeth onadunt. ka+
nys gweitheu y darostygei
eidol ac y bydei hyttraf hen+
gyst. Gỽeitheu ereiỻ y daros+
tygei heingyst. ac y bydei uch+
af eidol ac val yd oedynt yn|yr
ymfust hỽnnỽ nachaf gỽrlo+
is tywyssawc kernyỽ a|e vyd+
in yn kyrchu y rei gỽrthỽy+
neb ac yn kywarsagu eu tor+
uoed a phan welas eidol hynny
ehofynder a hyder a gymerth
arnaw a chymryt heingyst a
oruc herwyd baryfle y ben+
festin gan arueru o|e hoỻ ner+
th a|e tynnu attaỽ yny vyd
yg|kedernit y brytanyeit e
hun a chan diruaỽr lewenyd
yn vchel y|dywaỽt val hynn.
neur eilenwis duỽ vyn damunet
276
phan ymchoelynt yn|y lle elchỽ+
yl y kyrchynt gan atnewydu
eu gleỽder. ac ny pheidiassant hyt
yny gaỽssant y vudugolyaeth.
ac ỽrth hynny ffo a|wnaeth y
saesson. paỽb megys y dyckei y
ruthyr. Rei y|r keyryd a|r dinasso+
ed. Ereiỻ y|r mynyded a|r coe+
dyd. Ereiỻ y|r ỻogeu. Ac yna yd
aeth octa uab hengyst ac amyl+
der o niuer ygyt ac ef hyt yg
kaer efraỽc. ac ossa y|gar hyt
yg|kaer alclut. ac ueỻy o aneirif
amylder o uarchogyon aruaỽc
yd ymgadarnassant
A C veỻy gỽedy goruot o
emrys a|r brytanyeit ef
a|gafas kaer gynan yr honn a
dywedassam ni uchot ac yno
y bu tri·dieu yn gorffywys ac
yn hynny o yspeit yd erchis
cladu y lladedigyon a medegin+
yaethu y rei brathedic a gorf+
fowys y rei lludedic drwy amry+
uaelon ardymhereu a gwedy
hynny galỽ attaw y tywyssogyon
| « p 67r | p 68r » |