Breudwd Welsh Prose 1300-1425
Cymraeg

NLW MS. Peniarth 19 – page 3r

Ystoria Dared

3r

9

nia. Ac odyna att gastor a pholix.
ac yn|diohir ef a erchis udunt ỽy
gỽneuthur iaỽn y briaf ac eturyt
esoniam y chwaer idaỽ. a chastor a
pholix ỽynteu a|dywedassant na
wnaethant ỽy vn cam y briaf. na+
myn gỽneuthur cam o laomedon
udunt ỽy yn gyntaf. a gorchymyn
naethant y antenor enkilyaỽ
o|r ỽlat. ac ynteu a doeth y biliỽm
att nestor. ac a dywaỽt idaỽ pa ach+
aỽs y|dathoed yno. yr hỽnn megys
y kigleu a|dechreuaỽd kywethyl ac
antenor paham y ỻauassei dyuot
y roec. a gỽyr troea gỽedy|r godi
gỽyr groec kyn·no hynny. Ac yna
pan weles antenor na chaffei dim
o|e negesseu. ac mor waradỽydus
y treythynt ỽy o briaf. y|r ỻog yd
aeth ef. ac adref yd ymchoeles. a
datkanu y briaf vrenhin a|wna+
eth ef pa|wed yd attebaỽd pob un ef.
a pha|wed y traethyssei baỽp o·ho+
naỽ ynteu. ac ef a annoges y bri+
af eu|dilit ỽy drỽy ymladeu. ỽrth
na|wydynt ỽy dim o|e ewyỻys. Ac
yna ar hynt priaf a erchis galỽ y
veibyon attaỽ a|e hoỻ gedymdei+
thyon. Nyt amgen noc antenor.
ac archiges. ac eneas. ac vlconon+
ca. a pholidamantem. a phantỽm
a lampedem. a|e hoỻ veibyon a
anyssit idaỽ o|e orderchadeu. A
phan doethant ygyt. ef a|dywa+
ỽt ỽrthunt idaỽ anuon antenor.

10

yn gennat y roec y ovyn iaỽn
y|r rei a|ladyssynt y dat. ac erchi
eturyt esoniam y chwaer idaỽ. ac
na chaỽssei antenor dim o|e ne+
gesseu. namyn y waradwydaỽ.
ac anuon o·honaỽ ynteu yn|y
eireu ony mynnynt ỽy wneu+
thur y ewyỻys ef gỽelet bot
yn iaỽn idaỽ anuon ỻu maỽr
y roec. a phoeni y neb a dylyei
y boeni. hyt nat aruerei wyr gro+
ec o gewilydyaỽ gỽyr troea. ac
annoc y veibyon a|wnaeth priaf
y vot yn dywyssogyon ar yr
ymlad hỽnnỽ. ac yn bennaf ec+
tor. kanys efo oed hynaf o|e vei+
byon. ac yna y dywaỽt ector
y mynnei ef dial ewyỻys y
dat ac agheu y hendat. a pha
ryỽ gameu bynnac a|wnatho+
edit y wyr troea o·blegyt gỽyr
groec y mynnei ef eu dial. ac ef
a dywaỽt bot yn ovyn arnaỽ
na eỻynt dwyn ar benn yr hyn
a vedylyassynt. ỽrth vot ỻawer
o ganhorthỽyodron y wyr groec
rac ỻaỽ. a gỽyr y ymlad yn da
yn europpa. a bot gỽyr yr asia
ynteu yn ỻesc yn ymladeu. ac
ỽrth hynny nat oed haỽd kaffel
llyghes. Ac odyna alexander a
dechreuaỽd parattoi ỻyghes. a|e
hanuon y roec. a chymryt a|w+
naeth ef arnaỽ y vot yn dyỽys+
saỽc ar y ỻyghes rac ỻaỽ os y