Breudwd Welsh Prose 1300-1425
Cymraeg

NLW MS. Peniarth 19 – page 154r

Brut y Saeson

154r

669

hỽnnỽ. ef a|darostyngaỽd y hoỻ gy+
uoeth idaỽ e|hun. a chwaer araỻ
idaỽ hild oed y henỽ diruaỽr y
thegỽch. a gymerth hu vrenhin
freingk yn wreic idaỽ. Hỽnnỽ a
oruu ar wyr denmarc a|r gỽydyl
a|r yscottyeit. Hỽnnỽ a|deholes
Jdwal vrenhin kymry. a|chusten+
hin vrenhin yscotlont oc eu teyrn+
assoed. Chwe blyned ar|hugeint
a naỽcant oed oet crist yna. A gỽe+
dy hynny ef a|e|gadaỽd ỽynt y wle+
dychu drachefyn. ac a|dywaỽt mae
mỽy ogonyant oed wneuthur
brenhin no bot yn vrenhinDam+
chwein oed vot hen vanachlaỽc
yn ỻoegyr ny|s|teckaei ef yn y|oes.
ac ar ny|s anrydedei o adeilyadeu
ac anreitheu ac adurn tec. Ef a
drychafaỽd mab y gustenhin vren+
hin yscotlond o|r bedyd·lestyr. ac
a|e dalyaỽd ỽrth vedyd yn arwyd
tagnefed y·rygthunt. Ef a|dy+
vynnassei rei attaỽ ac elret o
winsestyr yn dywyssaỽc arnad+
unt. a|r elret hỽnnỽ a|e daỻaỽd ef.
Ac yna y delit elret ac yd anuonet
y ruuein att y pab ỽrth y amdif+
fyn. A gỽedy tyngu o·honaỽ ge+
yr bron aỻaỽr bedyr. ef a dygỽyd+
aỽd y|r ỻaỽr. ac y·rỽng dỽylaỽ
y weissyon y ducpỽyt ef odyno.
a|r dryded nos y bu uarỽ. a|r edyls+
tan hỽnnỽ a|wledychaỽd vn vlỽy+
dyn ar|bymthec ac a|gladỽyt
ymalmesbri

670

D Eugeint mlyned a naỽcant
oed oet crist. pan wledy+
chaỽd etmỽnt uab edylstan. hỽn+
nỽ a gyuoethoges glascỽin o
anreitheu diruaỽr ac enryded.
ac a gadarnhaaỽd y rod drỽy
lythyr eureit. Yn|y amser ef
y dechreuaỽd dỽnstan gossot
grỽndwal eglỽysseu. ac adeilyat
gỽassanaeth·tei duỽ. a chynuỻ+
aỽ couennoed o vyneich. a|vu
gyntaf abat o|r saesson. ac o|e
gynuỻeitua ef yd etholes ỻiaỽs
o esgyb ac abadeu yn eu kylch
o·gylch. Ef a diwreidyaỽd o|e deyr+
nas yn gỽbyl wyr denmarc a
normanyeit. a phaỽp o|wyr diei+
thyr. Ac idaỽ y ganet deu uab
etwin. ac etgar. Ef a diuethaaỽd
nebun herỽr a|elwit leoff. Hỽn+
nỽ wedy y chwechet vlỽydyn o
deyrnas y brenhin a doeth y
blith kyuedachwyr y brenhin
duỽ·gỽyl seint aỽstin arches+
gob. a|r brenhin a|e ruthraỽd. ac
a|e bỽryaỽd y|r ỻaỽr. ac a|e kyfar+
sagaỽd yn gadarn. a|r herỽr
yn|dirgeledic a dynnaỽd a|ỻys.
ac a|vrathaỽd y brenhin dan
benn y vronn yny vu varỽ. a
chasteỻwyr y brenhin a|e dryỻy+
assant ynteu. A gỽedy y rei o|r
casteỻwyr wneuthur diwed ang+
eu y brenhinY gỽeles dỽnstan
drỽy groessanaỽl neideu a cheỻ+