Breudwd Welsh Prose 1300-1425
Cymraeg

NLW MS. Peniarth 19 – page 117v

Brut y Tywysogion

117v

515

Ac yna y kyghores rei o|r a|e ka*+
reu idaỽ gochel y gyndrycholder
yny wypit pa vod y kerdei y
chỽedyl. ac ac ỽynt yn|y gygho+
ri ueỻy nachaf uarchogyon
yn|dyuot ar vrys yn dyuot
o|e geissyaỽ ef. ac ny aỻaỽd yn+
teu amgen no chyrchu eglỽys
aber daron ar naỽd. A|gỽedy
clybot o ruffud uab kynan
y diangk ef y|r eglỽys. anuon
gỽyr a|oruc. o|e tynnu ef o|r eglỽ+
ys aỻan. ac ny adaỽd esgyb a
henafyeit y wlat hynny rac
ỻygru naỽd yr eglỽys. A gỽedy
y|oỻỽg o|r|eglỽys ef a foes y|r
deheu. ac a|doeth y ystrat tywi.
A|gỽedy clybot hynny ỻawer
a ymgynnuỻaỽd attaỽ o bop tu.
ac ynteu a|duc kyrcheu anhygar
am|benn y freingk a|r flemhyssy+
eit yny|daruu y vlỽydyn honno.
y vlỽydyn rac·wyneb y kyrcha+
ỽd gruffud uab rys yn|y vrỽy+
dyr gyntaf casteỻ arberth ac
ỻosges. Odyna yd aeth hyt
yn ỻan ymdyfri. ỻe yd oed gasteỻ
nebun tywyssaỽc a|elwit ric+
kart ponsỽn y|gr y rodassei
henri vrenhin idaỽ y cantref
bychan. ac y proues y dorri a|e
losgi ac ny|s|gaỻaỽd kanys

516

ymwrthlad ac|ef a|wnaeth keitw+
eit y casteỻ ac ygyt ac ỽynt
maredud uab ruderch uab kra+
daỽc. y gỽr oed yn kynnal ystiw+
ardaeth y·dan y|dywededic rickart
A|gỽedy ymsaethu ac ef o|r tỽr a
brathu ỻawer o|e wyr a ỻad ereiỻ
yd ymchoelaỽd drachefyn. ac ody+
na anuon y gedymdeithyon y
wneuthur kyrch a chynnỽryf
ar gasteỻ yn aber tawy. a hỽnnỽ
bioed y Jarỻ a|elwit henri bem+
ỽnd. A|gỽedy ỻosgi y casteỻ. ac
amdiffyn o|r keitweit y tỽr a ỻad
rei o|e wyr yd ymchoelaỽd dra|e
gefyn. A gỽedy clybot hynny
ymgynuỻaỽ attaỽ a|wnaeth ỻaỽ+
er o ynuydyon Jeueingk o bop
tu. a hynny o chwant da ac
anreitheu. ac atnewydu bryta+
naỽl teyrnas. ac ny thal ewyỻys
dyn dim ony byd duỽ yn|borth
idaỽ. Gỽneuthur a|oruc ysclyfy+
aetheu mawr yn|y gylch ogylch
Y freingk yna a gymerth gyg+
hor. a|galỽ pennaetheu y wlat
attunt. Nyt amgen owein uab
cradaỽc uab ryderch y gwr y rod+
assei henri vrenhin idaw ran
o|r kantref maỽr a maredud
uab ryderch a ryderch ap teỽ+
dỽr a|e veibyon maredud ac oỽein