Breudwd Welsh Prose 1300-1425
Cymraeg

NLW MS. Peniarth 19 – page 113r

Brut y Tywysogion

113r

497

anuundeb. y·rỽng madaỽc a|r
freingk o achaỽs. y ỻedradeu
yd oed y saesson yn|y wneuthur
ar y|dir. ac odyno yd|oedynt yn
erbyn y brenhin ac yn dyuot
att vadaỽc. Ac yna yd anuones
rickart ystiwart att uadaỽc
y erchi idaỽ daly y gỽyr a|wna+
thoedynt gam yn erbyn y bren+
hin. ac ynteu a|wrthỽyneba+
ỽd hynny ac ny|s|dalyaỽd.
ac yn gamwedaỽc heb wybot
beth a wnaei keissyaỽ kyueiỻ+
yach a|oruc y gan owein uab
kadỽgaỽn. a hynny a gafas.
a|gỽneuthur hedỽch y·rỽg y
rei a|oedyn elynyon udunt
kynno hynny. ac ym·aruoỻ
uch benn creireu a|wnaethant
hyt na hedychei vn a|r brenhin
heb y gilyd. ac na vredychei yr
vn ohonunt y gilyd. Ac o·dyna
y kerdynt ygyt pa le bynnac
y|dyckei eu tyghetuen ỽynt.
a ỻosgi tref neb·un wrda a|o+
rugant. a pha|beth bynnac a
eỻynt y|dỽyn ganthunt nac
yn veirch nac yn wisgoed ỽ+
ynt a|e dugassant na dim a+
raỻ o|r a|geffynt. Y vlỽydyn
rac·wyneb y coffaaỽd henri
vrenhin garchar Jorwerth uab
bledyn. ac anuon kennat attaỽ

498

y wybot beth a rodei yr y
oỻỽng o|r carchar. kanys
blin yỽ bot yn hir gar+
char. ac ynteu a|edewis mỽy
noc a|aỻei dyuot idaỽ. a
dywedut y rodei bop dim
o|r a archei y brenhin. ac
yn|gyntaf ynteu a erchis
gỽystlon o veibyon goreu
gỽyr y wlat. Yr eilweith yd
erchis Jthel uab ridyt y
vraỽt trychant punt o ary+
ant pa ford bynnac o|e da
y kaffei. Ac yna y rodet
mab kadỽgaỽn uab ka+
dỽgaỽn uab bledyn yr
hỽnn a anyssit idaỽ o|r
frangkes. ac a|elwit henri.
ac y talỽyt can|morc dros  ̷+
taỽ. ac yna y|wlat idaỽ ef.
ac yna y goỻygỽyt mab
kadỽgaỽn. ac y|ghyfrỽng
y petheu hynny y gỽna+
eth owein a madaỽc a|e
kedymdeithyon ỻawer o
drygeu yg|gwlat y freingk
ac yn ỻoegyr. A pha beth
bynnac a|geffynt nac o
dreis nac o ledrat y dir
Jorwerth y dygynt. ac y+
no y pressỽylynt. Ac yna
anuon kennadeu a|oruc
Jorwerth attunt. yn|garedic