Breudwd Welsh Prose 1300-1425
Cymraeg

NLW MS. Peniarth 19 – page 112v

Brut y Tywysogion

112v

495

assant. dyeithyr kaffel an+
uolyannus anreith o gyf+
leoed seint dewi a phadarn.
A gỽedy hynny y mordỽya+
ỽd owein y Jwerdon ygyt
ac ychydic o gedymdeithy+
on. a|r rei yd|oed achaỽs ud+
unt. y trigyaỽ yn|y ol. kanys
buassynt ỽrth losgedigaeth
y casteỻ. ac y gan mỽrchath
y brenhin pennaf yn Jwer+
don. yd aruoỻet ef yn hegar.
kanys ef a vuassei gynt y+
gyt ac ef. ac ygyt ac ef y
magyssit yn|y ryuel y|dif+
feithỽyt mon y gan y deu
Jarỻ. ac yd anuonyssit ef
y gan y vraỽt a rodyon y
vurtart. Ac yna yd aeth
kadỽgaỽn yn|dirgel hyt
ym|powys. ac anuon kenna+
deu a|wnaeth y geissyaỽ he+
dychu a rickart. ystiwart y
brenhin. a|chael kygreir y
ganthaỽ a|wnaeth y geissaỽ
hedychu a|r brenhin pa vod
bynnac y gaỻei. a|e aruoỻ a
oruc y brenhin. a|chanattau
idaỽ drigyaỽ y myỽn tref a
gaỽssei y·gyt a|e wreic a|oed
ffrangkes merch pictot sa+
ge. Ac yna yd achubaỽd ma  ̷+
daỽc ac Jthel meibyon ridyt.

496

rann gadỽgaỽn ac owein y
uab o bowys y rei a|lywyas+
sant yn anuolyannus. ac ny
buant hedychaỽl y·rygthunt
e|hunein. y|ghyfrỽg hynny
gỽedy hedychu o gadỽgaỽn
a|r brenhin y kafas y gyuoeth.
Nyt amgen keredigyaỽn gỽ+
edy y phrynu y gan y|brenhin
yr can punt. A gỽedy clybot
hynny ymchoelut a|wnaeth
paỽp o|r a|wasgaryssit y|r gỽ+
ladoed yn eu|kylch. Kanys
gorchymyn y brenhin oed
na chynhalyei neb·vn dyn
o geredigyaỽn na|gỽr na gỽ+
reic. a|e rodi a|oruc y brenhin
y gadỽgaỽn drỽy amot na
bei na chedymdeithyas na
chyueiỻyach y·rygthaỽ ac
owein y vab. ac na|s|gadei y|r
wlat. ac na rodei idaỽ na
chyghor na nerth. ac odyna
yd ymchoelaỽd rei o|r gỽyr a
athoed ygyt ac owein y Jw+
erdon. a ỻechu yn dirgeledic
a|wnaethant heb wneuthur
dim argywed y neb. a|gỽedy
hynny yd ymchoelaỽd owein.
ac nyt y geredigyaỽn y do+
eth ef namyn y bowys. a|cheis+
syaỽ anuon kennadeu at y|bren+
hin a|oruc. yg|kyfrỽg hynny y|bu