Breudwd Welsh Prose 1300-1425
Cymraeg

NLW MS. Peniarth 11 – page 21v

Ystoriau Saint Greal

21v

ac yn|dywedut ỽrth galaath. Arglỽyd heb ef ỻyma ytti agor  ̷+
yadeu y casteỻ hỽnn. ac ynteu a|e kymerth ỽynt ac a|doeth y
myỽn. ac ef a|welei yno o vorynyon ar na aỻei ef eu|kyfrif.
a|phob vn onadunt yn|dywedut. arglỽyd groessaỽ duỽ ỽrthyt.
a|ni a|vuam yr ys|talym yma y|th aros di y|n rydhau. a ben+
digedic vo duỽ a|th|anuones ditheu yma. a byth y bydem ni
yma pany bei dy dyuot ti y|n goỻỽng ni o|r kasteỻ doluryus
hỽnn. ac yna y gymryt erbyn ffrỽyn y varch a|e dỽyn y|r|ỻys.
a|pheri idaỽ disgynnv megys o|e anuod. ac ynteu a|dywaỽt
nat oed amser hỽnnỽ y lettyv etto. Ac yna vn o|r morynyon a
dywaỽt ỽrthaỽ. Arglỽyd heb hi ot ey di odyma ueỻy. y rei a
yrreist ti odyma gynneu o|th gedernit. ỽynt a|deuant yma
drachevyn a nerth y·gyt ac ỽynt. ac a|gynhalyant y drycaruer
a|oed ganthunt yma gynt. ac ueỻy y coỻy di dy lauvr hyt
hynn. Yna galaath a|dywaỽt y vot ef yn baraỽt y wneuthur
pob|peth o|r|a|dylyei yngkylch hynny. Arglỽyd heb ỽynteu par
di dyvynnu cỽbyl o varchogyon urdolyon y kyuoeth hỽnn. a|e
pobloed hyt yma. a|phar udunt dynghu na|chynhelijr yr|aruer
hỽnn vyth o|hynn aỻan yn|y ỻe hỽnn. ac ar hynny nachaf
morỽyn ieuanc dec yn dyuot o vn o|r ystaueỻoed a|chorn o
asgỽrn moruil yn|y ỻaỽ. ac yn|y roi yn|ỻaỽ galaath. ac yn|dy+
wedut ỽrthaỽ. arglỽyd heb hi o|r mynny di dyuot ym* kyffre+
din y kyuoeth oỻ. par ganu y corn hỽnn. ac ef a|glywir ar|dec
miỻtir o|bop parth. a galaath yna a|e roes yn ỻaỽ varchaỽc
urdaỽl a|oed yn|y ymyl. a hỽnnỽ a|e kant ual y clywit yn|haỽd
dros gỽbyl o|r kyfoeth. Ac yna ymdiarchenu a|oruc galaath. ac