Breudwd Welsh Prose 1300-1425
Cymraeg

NLW MS. Peniarth 11 – page 108v

Ystoriau Saint Greal

108v

beth a dugassynt ar y tabyl aryant. Ac ỽ·ynteu a|dywedassant
idaỽ gỽbyl ual y govynnaỽd. a|ryuedaỽt y greal. a|pha|ryỽ be+
th a|arwydockaei. Ac ynteu ual yd|oed yn wr drỽc angcredadun
ny chredaỽd udunt o|dim. namyn tybyeit mae tỽyỻwyr oe+
dynt. ac yna aros a|oruc ef yny gỽeles ỽy yn|diarueu. ac|yna
ef a|beris eu|daly ac eu karcharu yng|karchar drỽc. ual nat
oed fford udunt y|diangk yn|y vlỽydyn honno. Eissyoes
ef a|wnaeth duỽ yn|da ac ỽynt. dwyn seint greal attunt yr
kynnal kedymdeith·yas ac ỽynt. Ac ueỻy y|buant hyt ym+
penn y vlỽydyn. A|diwarnaỽt yr ymgỽynaỽd galaath ac
y|dywaỽt. V|arglỽyd iessu grist heb ef. ef a|welir y mi vot yn di+
gaỽn yd ỽyf yn|y byt hỽnn. ac am|hynny dỽc vi attat yn ehe+
gyr. a|r|dyd hỽnnỽ yd oed y brenhin yn glaf ac ef a beris eu
kyrchu ỽy hyt attaỽ. y erchi madeueint udunt am eu carcha+
ru ar gam. ac ỽynteu a|e madeuassant idaỽ o gỽbyl. Ac y+
na efo a|vu uarỽ. a|gỽedy daruot y gladu. y bobyl o|r din·as
a|aethant ar vedyr gỽneuthur brenhin arnunt. ac ny wyd+
ynt ỽy o|bỽy y gỽneynt. Ac ual y bydynt yn ymgynghori am
hynny ef a|dywaỽt ỻef ỽrthunt. kymerỽch a|gỽneỽch yn vren+
hin arnaỽch y Jeuaf o|r tri chedymdeith. ac ỽynteu a|ỽnaeth+
ant hynny ac a|doethant att galaath. ac a|e gỽnaethant yn ar+
glỽyd arnadunt pei drỽc pei da ganthaỽ. ac ny bu hoff gan+
thaỽ ef hynny. Eissyoes pan weles ef na|thygyei idaỽ ym+
wrthot a|hynny ef a|e kanhattaaỽd udunt. Ac yna ef a|beris
gỽneuthur yỽch benn seint greal ỻun|prenn o eur ac aryant
yn ỻaỽn o vein maỽrweirthaỽc. a|pheunyd pan gyuodynt