Breudwd Welsh Prose 1300-1425
Cymraeg

NLW MS. 3035 (Mostyn 116) – page 148v

Brut y Tywysogion

148v

anwyt yn fo. ac yno y|ỻas ruaỻaỽn ap kynuyn. ac yna y kynhelis
bledyn ap kynuẏn gỽyned a|phowẏs a maredud ap ywein ap etwin
a|gynhelis deheubarth. Deg mlyned a|thrugein a mil. pan las Mere+
dud ap ywein y|gan garadaỽc vab gruffud vab ryderch a|r freinc
ar lan a·von rymhi. ac yna y|ỻas macmael nimbo clotuorussaf
a|chadarnaf vrenhin y|gỽydyl o deissẏfẏt vrỽydẏr y gỽr a oed a+
ruthur ỽrth y|elynẏon. a hynaỽs ỽrth y|kidaỽtwẏr* a gỽar ỽrth pe+
rerinẏon a|dieithreit. ac yna y|diffeithaỽd y|freinc keredigyaỽn a
dyfet. a|mynyỽ a bangor a|diffeithỽyt y|gan y|gan y|genedloed ac
yna y|bu varỽ bleidut escob mynyỽ. ac y|kymerth sulyen yr escobawt
yna yr eilweith y|diffeithaỽd y|freinc keredigyaỽn ac yna y ỻas ble+
dyn vab kynnyn y|gan rẏs ab ywein drỽẏ dỽẏỻ dryc·ysprydolyon
pennaetheu ac uchelwẏr ystrattẏwi y gỽr a oed gỽedy gruffud y
vraỽt yn kynal yn arderchaỽc hoỻ deẏrnas y brytanyeit. ac yn|y
ol ynteu y gỽledychaỽd trahaern ap caradaỽc y gefyndero ar te+
yrnas y|gỽẏndẏt a rys ap ywein a|ryderch vab caradaỽc a gynhal+
assant deheubarth ac yna yd|ymladaỽd gruffud ap kynan ỽyr iago a
Mon. ac y|ỻadaỽd y|gỽyndyt kynwric vab ruaỻaỽn ac yna y|bu y
vrỽydyr yg|kamdỽr rỽg goronỽ a ỻywelyn Meibon kadỽgaỽn ap chara+
daỽc vab gruffud gyt ac ỽynt a|rys vab ywein a ry·derch vab caradaỽc
y·gyt a|rei hyny. Yn|y vlỽẏdẏn hono y|bu vrỽydyr bron yr erỽ rỽg gruffud
a|thrahaern. ac yna y ỻas ryderch ap cradaỽc ẏ|gan meirchaỽn vab rys
ab ryderch y gefynderỽ drỽy dỽyỻ. ac yna y|bu vrỽydyr gweunottyỻ