Breudwd Welsh Prose 1300-1425
Cymraeg

NLW MS. 3035 (Mostyn 116) – page 142r

Brut y Tywysogion

142r

P *etwar|ugeint mlyned a wechant oed oet crist
pan vu uarwolaeth vaỽr drỽy hoỻ|ynys prydein.
Ac o|dechreu byt hẏt yna yd oed blỽydyn eisseu o
petwar|ugein mlyned ac ỽyth cant. a|phumil. ac yn|y vlỽy  ̷+
dyn hono y bu varỽ katwaladyr uendigeit vab catwallaỽn
vab catuan brenhin y bryttanyeit yn rufein y deudecuet dyd
o vei. megys y|proffỽydassei vyrdin kyn|no hyny. ỽrth ỽrtheyrn
gỽrtheneu. ac o hyny aỻan y|coỻes y brytanyeit goron y deyrnas
ayd|eniỻaỽd y|saesson hi. Ac yn ol katwaladyr y|gỽeledẏchaỽd
Juor vab alain brenhin ỻydaỽ Yr hon a|elwir bryttaen vechan
ac nyt megys brenhin. Namyn megys penaeth neu tywyssaỽc.
A|hỽnỽ a|gynheỻis ỻywodraeth ar y brytanyeit. ỽyth mlyned a
deugein. ac yna y|bu uarỽ. ac yn|y ol ynteu y|gỽledychaỽd rodri
maeloynaỽc. ac yn oes hỽnỽ y|bu uarwolaeth yn iwerdonac
yna y|crynaỽd y|daer yn ỻydaỽ. ac yna y|bu y glaỽ gỽaet yn ynys
prydein. ac iwerdon. Deg mlyned a|phetwarugein a|whechant oed
oet crist yna. ac yna yd ymchoelaỽd y|ỻaeth a|r emenyn yn waet
a|r ỻeuat a ymchoelaỽd yn waedaỽl liỽ. Seith cant mlyned oed oet
crist pan vu varỽ elfryt brenhin y|saeson. Deg|mlyneda|seithcant oed
oet crist pan vu varỽ pipin vỽyaf brenhin freinc. ac yna kyn o+
leuet oed y|nos a|r dyd. ac yna y|bu varỽ osbric brenhin y|saesson
ac y|kyssegrỽyt eglỽys vihagel. Vgein mlyned a|seithcant oed oet
crispan vu yr haf tessaỽc. ac yna y bu varỽ beli vab elffin ac

 

The text Brut y Tywysogion starts on line 1.