Breudwd Welsh Prose 1300-1425
Cymraeg

NLW MS. Llanstephan 4 – page 8r

Chwedlau Odo

8r

gỽarthec. ac yno y kafas ef y gymar.
A|gouyn a|oruc hi y|ỽ gỽr pa le y buassei.
Ynteu a|attebaỽd mi a|dygylchyneis y
daear. ac a rodyeis lawer o leoed tec ar+
derchaỽc ym plith amryuaelon lysseu+
oed safỽyrber a ffrỽytheu melys dyei+
thyr na weleis i ermoet le mor digrif
mor esmỽyth a hỽnn. am y dommen.
Veỻy ỻawer o|r myneich a|r ysgolheigy+
on a|r ỻeygyon pan darỻeont neu pan
glywont darỻein buchedeu seint neu
ffrỽythlaỽn ystoryaeu ereiỻ clotuorus
y chỽaneckau synhỽyr ac ymborth
y|r eneit trỽydunt. diffrỽyth vyd gan+
thunt ỽy hynny oỻ ony bei gael ar
dauarneu ymdidan a phuteineit. ac
ymdyualu a gỽarandaỽ clerỽryaeth
orwac ac ouergerd y leihau synhỽyr
ac y achỽaneckau pechaỽt a|gwahaỽd
diaỽl yn ganhorthỽy yn ỻe angel go+
leuni. yr hỽnn yssyd oỻ yn dommen vu+
dyr. ac yn vystrych drewedic et cetera
E R eryr gynt a gleuychaỽd o
dolur y lygeit ac a|alwaỽd at+
taỽ y vran yr honn a|elwir ffussigwr
yr adara gouyn a|oruc y|r vran beth