Breudwd Welsh Prose 1300-1425
Cymraeg

NLW MS. Llanstephan 27 (The Red Book of Talgarth) – page 4v

Ystoria Lucidar

4v

a|glynu ỽrth y da mỽyaf yn gadarn. ac ym|pỽyth hynny yn di+
annot y kadarnhaỽyt ỽy. a|r rei a|oed anhyspys kyn·no hynny
o|e gỽynuydedigrỽyd o hynny aỻan hyspys diheu oedynt. discipulus
Pa ryỽ lun yssyd ar yr engylyon. Magister vn agỽed a|duỽ ynt o ryỽ
vod. kanys megys y tric ỻun yr inseil ar y kỽyr. veỻy y mae
eilun duỽ yndunt ỽynteu a|e gyffelybrỽyd. discipulus Pa gyffelybrỽyd
yỽ hynny. Magister Herwyd eu bot yn oleuni. ac yn angkorfforaỽl. ac
yn gyflaỽn o bop tegỽch. discipulus A wdant ỽy ac a aỻant bop peth. Magister
Nyt oes o|vyỽn natur y defnydyeu dim anwybot udunt ỽy. ka  ̷+
nys yn duỽ y gỽelant bop peth. a phop peth o|r a vynnont y wne+
uthur ỽynt a|e gaỻant. discipulus A vu lei rif y rei da yr dygỽydaỽ y rei
drỽc. Magister Na vu namyn yr kyflenwi rif y rei etholedigyon y cre+
wyt dyn yn|decuet. discipulus O ba|beth y creỽyt dyn ohonaỽ. Magister O ge+
dernit corfforaỽl ac vn ysprytaỽl. y corfforaỽl o|r pedwar defnyd
megys y byt. ac am hynny y gelwir ef y byt bychan. kanys o|r
daear y mae y gic. o|r dỽfyr y waet. o|r awyr y anadyl. o|r tan y w+
res. Y benn yn grỽnn ar lun cỽmpas y nef. a|e deu lygat yndaỽ
megys dỽy lugorn heul a ỻoer yn echtywynnygu yn y nef. y vronn
yn|y ỻe y mae y chwythyat a|r pessychu yn kyffelybu y|r awyr
yn|y ỻe y kyffroir y gỽynt a|r taraneu. Y groth yn|kymryt yr
hoỻ wlybỽr. megys y mor yr hoỻ auonyd. Y|draet yn|kynnal hoỻ
bỽys y gorff. val y mae y daear yn kynnal pob peth. O|r tan nefa  ̷+
ỽl y olỽc. o|r awyr uchaf y glywet. o|r issaf y ymafaelyat. o|r dỽ+
fyr y vlas. o|r daear y gerdetyat. Jrder y gỽyd yn|y esgyrn. tegỽch
y gỽeỻt yn|y waỻt. a|e synnỽyr y·gyt a|r aniueilyeit. a|ỻyna y
gaỻu corfforaỽl. Y substans ysprydaỽl a gredir y vot o|r tan yspry+
daỽl. yn|yr hỽnn y dangossir gaỻu ac eilun duỽ. discipulus Pa ryỽ delỽ a