Breudwd Welsh Prose 1300-1425
Cymraeg

Oxford Jesus College MS. 57 – page 90

Llyfr Blegywryd

90

un yỽ. o|goỻi y amser. a hỽnnỽ a damchwein+
ha o lawer mod. Eil yỽ. haỽl heb perchen. Try+
dyd yỽ. teruynu y dadyl kynno hynny.
Tri theruyn kyfreith yssyd. vn yỽ. teruynu
o|gyfundeb y pleideu. Eil yỽ teruyn gossode+
dic trỽy gymrodedwyr rỽng y pleideu. Trydyd
yỽ. teruyn trỽy varn. Teir dadyl a|dylyant eu
iachau ac eu barnu trỽy deturyt gỽlat yn
erbyn haerỻugrỽyd. un yỽ. dadyl am venffic
neu wystyl. neu auel yssyd vn gyfreith. Eil
yỽ. dadyl y bo amdiffyn yndi. neu yn amgen
gỽat am tir. Tryded yỽ. dadyl o wrthrymder
brenhin yn erbyn kyfreith. O tri mod yd holir
tir. o gam·oresgyn. ac o dat·annud trỽy uedy+
ant tat neu vam hyt angeu. ac o ach ac et+
vryt. kynny thyckyo gouyn tir o|r mod kyntaf
nac o|r eil. ny byd hỽyrach no chynt y keffir o|r
trydyd. Tri chamoresgyn yssyd. goresgyn yn er+
byn perchennaỽc o|e anuod heb vraỽt neu ores+
gyn trỽy y perchen. ac yn erbyn etiued o|e an*