Breudwd Welsh Prose 1300-1425
Cymraeg

Oxford Jesus College MS. 57 – page 78

Llyfr Blegywryd

78

y coet. mynho y coydỽr na vynho. nenpren. a dỽy nen*
Tri pheth ny thelir kyt coỻer yn rande. kyỻ+
eỻ a chledyf. a ỻaỽdỽr. Teir gỽarthrut ke+
lein ynt. gouyn pỽy a|ladaỽd hỽnn. pieu yr
elor honn. pieu y bed newyd hỽnn. Teir
sarhaet kelein ynt. pan lader. pan yspeiler. a
phan ythyer yny dygỽydo. Teir gauel nyt
atuerir. vn a dycker dros ledrat. ac vn ar
vach ny chymheỻo y vechniaeth. a thros ala+
nas. Tri ryỽ tal. geudỽng. neu atwerth. neu
eturyt. Tri ymdiỻỽng o rỽym haỽl yssyd. ~
gỽirtỽng neu waessaf. neu yn·vytrỽyd. Tri
chargychwyn. heb attychwel yssyd. gỽreic gỽe+
dy yd ysgaro a|e gỽr yn gyfreithaỽl. a|thref·tat+
aỽc pan el y dilis gỽedy bo yn arglỽydiaeth
araỻ. o Jaỽnder nyt ymchoel drachevyn. a
chyssỽynuab gỽedy gỽatter o genedyl y dat
yn gyfreithaỽl. Tri achaỽs y gossodet kyf+
reith. kyntaf yỽ. y geissyaỽ dysc rac gỽneuthur
anghyfreith. Eil yỽ. yr gỽaret anghyfreith