Breudwd Welsh Prose 1300-1425
Cymraeg

Oxford Jesus College MS. 57 – page 3

Llyfr Blegywryd

3

K Yntaf y dechreuaỽd y brenhin kyfreith y llys
beunydyaỽl. ac o|r dechreu y gossodes pedwar
sỽydaỽc ar|hugeint y ỻys beunydyaỽl. nyt amgen.
Penteulu. Offeiryat teulu. Distein. Yngnat
ỻys. Hebogyd. Pengỽastraỽt ˄PenkynydGỽas ystaueỻ. Diste+
in brenhines. Offeiryat brenhines. Bard teulu.
Gostegỽr ỻys. Dryssaỽr neuad. Dryssaỽr ysta+
ueỻ. Morỽyn ystaueỻ. Gỽastraỽt afỽyn. Can+
hỽyỻyd. Truỻyat. Medyd. Gỽydỽr* ỻys. Coc.
Troedaỽc. Medyc. Gỽastraỽt afỽyn brenhines.
D ylyet y sỽydogyon hynn yỽ. kaffel breth+
ynwisc y gan y brenhin. a ỻieinwisc y
gan y vrenhines deirgỽeith yn|y vlỽydyn. Y
nadolic. a|r pasc. a|r sulgỽyn. Brenhines a|dy+
ly kaffel y|traean y gan y brenhin o|r enniỻ
a|del idaỽ o|e tir. ac ual|hynny y|dylyant sỽydo+
gyon y vrenhines. y gan sỽydogyon y brenhin.
Kylch a|dyly y vrenhines y gaffel a|r moryny+
on a|r meibyon ar vileinyeit y brenhin pan el
y brenhin y maes o|e tir e|hun. Gỽerth bren+
hin