Breudwd Welsh Prose 1300-1425
Cymraeg

Oxford Jesus College MS. 57 – page 297

Llyfr Blegywryd

297

y* dylyei ynteu bot yn|hedychỽr dros y da. Nyt
oes un reith y dylyer kyrchu mam eglỽys a|hi
mỽy no ỻann araỻ. onyt am|wadu mab a|e gym  ̷+
ryt. y deu bỽngk hynny ny dylyir o·nyt y|myỽn
mam eglỽys. O|deruyd. y dyn gỽerthu buch. neu ych.
neu uarch a|e|deithi ganthaỽ. Jaỽn yỽ idaỽ bot
dan tri heint. yr ysgyueint teir ỻoer. ac os yn|dryỻ
o|r ỻoer diwethaf y gỽerthir y vuch neu yr ych.
Jaỽn yỽ diuỽynaỽ y ỻoer honno. kany eỻir talu
dryỻ ỻoer yn ỻe ỻoer gỽbyl. a|goruot y vvch neu
y|r ych. rac yr ysgyueint ar y teir ỻoer nessaf idi.
O|deruyd. gỽneuthur cam yn oes arglỽyd. neu ang+
hyfreith araỻ. a|gỽedy hynny marỽ yr arglỽyd
hỽnnỽ. a|thebygu o|r|arglỽyd a|del gỽedy ef dylyu
ohonaỽ ef cospi y|dyn am yr anghyfreith hỽnnỽ.
ny|s dyly. Sef achaỽs yỽ ỽrth na|dyly ef cospi na  ̷+
myn a|wneler yn|y oes e|hun. O|deruyd. y dyn gỽneuthur
angkyfreith. yn|oes arglỽyd. ac am   yr angkyfreith hỽnnỽ.
gordiwes o|r arglỽyd meicheu ar y da. a|chynn
oet y tal marỽ yr arglỽyd hỽnnỽ. yr|arglỽyd a|del