Breudwd Welsh Prose 1300-1425
Cymraeg

Oxford Jesus College MS. 57 – page 27

Llyfr Blegywryd

27

vihangel gan yr hebogyd. Naỽuetdyd o|galan
gaeaf. y dyly ef a|r kynydyon ereiỻ dangos
y|r brenhin y gỽn. a|e gyrn. a|e gynỻyuaneu
a|e draean o|r crỽyn. Wrth reit y brenhin yd he+
lyant hyt galan gaeaf. o hynny hyt ym|penn
y naỽuetdyd o|r vn mis hỽnnỽ. ny helyant y
neb namyn udunt e|hunein heb gyfrannu
dim a neb. Ef a|geif y dir yn ryd. a|e varch
yn wastat gan y brenhin. a|dỽy rann idaỽ
o|r ebran. Yr haf y keif croen buch. ac ony chyf+
fry ef y distein yn yr amseroed hynny. ny|s
keif gỽedy hynny. Ef a|geif pedeir keiny+
aỽc. kyfreith. gan bop kynyd milgi. ac wyth gei+
nyaỽc. kyfreith. gan bop un o gynydyon y geỻgỽn
pan elont yn eu sỽyd. Pan el y brenhin
y anreithaỽ. Kanet y pen·kynyd y gorn
pan vo amser idaỽ. a dewisset y ỻỽdn a vyn+
no o|r anreith. ac o draean y brenhin o|r crỽ+
yn ef a|geiff y traean. ac ef yỽ vn o|r dynyon
y traeanha y brenhin idaỽ. Ny chymeỻir