Breudwd Welsh Prose 1300-1425
Cymraeg

Oxford Jesus College MS. 20 – page 44v

Saith Doethion Rhufain

44v

chan a oed yn tyuu yn|y ymyl. A chan+
gen o|r vaỽr yn ỻesteiryaỽ y|r vechan dy+
fu. Ac yna yd erchis y bỽrdeis bioed
y gwyd y ardỽr torri kangen o|r binwy  ̷+
den hen a oed yn llesteiryaỽ ar y vechan
gyuodi. A gwedy torri y geinc. y prenn
yn gỽbyl a grinaỽd. Ac yna yd erchis
y torri oll. Megys hynny y deruyd y titheu
am dy vab a rodeist y veithryn att y seith  ̷+
wyr doeth. yr collet ytti y mae ef tan
gel yn keissaỽ duundeb y gwyrda y|th
distryỽ di ac y wledychu e|hun heb o  ̷+
lud. A llidyaỽ a oruc yr amheraỽdyr
ac adaỽ y diuetha trannoeth. a gwedy
treulyaỽ y dyd hỽnnỽ a|r nos honno ar
ardunnyant a digrifỽch y|r vrenhines.
Jn ieuengktit y dyd trannoeth y ky+
uodes yr amheradyr* a|gwisgaỽ ymdan+
naỽ a chyrchu y dadleudy. Ac ar hynt
gouyn y|r doethon pa adoet a wneit ar
y vab ef. Ac yna y kyuodes bantil  ̷+