Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 87r

Ymborth yr Enaid

87r

Ac am benn yr arderchaỽcuab yr oed koron o eur
perffeithgỽbyl. Ac yn rỽymedigyon yn|yr eur.
deudeg|mein o amedrodryon mein gỽerthuaỽru+
ssyon. Ar karueiduab a|oed yn kyfeisted kadeir
adỽyndec o askỽrnn eliffant disgleirlathyr gann+
heitrỽyd yn rỽymedic o|bop mann o wiwyon laf+
ynnev rudgoetheur yn gyfulaỽnyon o|bop ryỽ
amherodryon mein gỽerthuaỽr ac amylder o glustogeu pali a rei sidan a rei eurllin y|danaỽ ac yn|y|gylch ac y dan y draet |  .
ac yn|y llaỽ deheu idaỽ yd|oed teyrnnỽialen o eur
mal. Ac is y|laỽ ar|benn y|wialen maen carbỽn+
kulus llewychloyỽ. Ac y ar y laỽ maen arall. Ac
o hynny y vynyd y|wialen yn|teir kein yn ardan+
gos teir person y|drindaỽt o|vn kyff vndỽyỽolder
yn llyỽyaỽ teir|bann y|vedyssyaỽt. nef a|dayar
ac vffernn. Ac*|phann wehynnei y serchaỽluab
yspryt y|dỽyỽolserch anadyl. ef a|gyuodei oho+
naỽ o|ber arogleu y baỽp yn|y gylch y|gymeint
ac nat oed neb ryỽ arogleu na rosys na lilys
na neb ryỽ ffrỽyth na neb ryỽ lyssewyn na mirr
na gỽtt* na bam na sinam nac assia na neb ryỽ
ireit gỽerthuaỽr a|e keffylypei. Ac velle yr oed
y gwynnvydic nefaỽluab yn kyfuleỽni y|pymb
synnỽyr o serch y radev ef e|hun. nyt amgen. 
o|e anueidryaỽl degỽch yn kyfuleỽni y|golỽc. o|e a+
rafber barabyl digrifỽch yn kyfleỽni y|klyỽedi+