Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 267v

Diarhebion

267v

1071

Kennat uut drut a|e crettỽy. 
Kyuoet uyd y|da a|dettwyd. 
Keỻ y arglỽyd y weilgi. 
Kyt boet doeth diryeit ys|drut. 
Keugant yn agheu. 
Kyffes pob rỽyd. 
Kerit chỽaer diryeit kynny charer  
Kymmỽythach corrach a simiach. 
Kyuarwydon gỽrach waeth·waeth. 
Kyfarỽydaf ỻaỽ yn ỻe y|dotto. 
Keneu yn|y wal a gast lem. 
Kyrch kaỽr y tan. 
Kywrys am vỽyt. karant am ovit. 
Kenmyl gỽreic maỽrda. 
Kyt boet da. nyt gỽirda. 
Keisset asgre y uam a|goỻo. 
Keinmygir pob newyd. 
Kyt ysso kic march. bit ar gic ebaỽl. 
Kennat hỽyr drỽc y neges. 
Kyfnewit a hael  
Kymyrrit haearn hoedyl dyn. 
Kynn|diheuet. ac yssu o|r ỻygot y|kỽỻdỽr. 
Kyrch y|ki ar y vreuan. 
Kuaỻ cledyf byrr o|e|wein. 
Kospi yr arth yg|gỽyd y|ỻew. 
Kauas da. ny chauas drỽc. 
L laỽ haỽs am weith. 
lonn* vyd kolỽyn o|arffet y arglỽyd. 
ỻonn vyd y|ỻygoden pryt na|bo y|gath gartref.
ỻygat duỽ ar adneu. 
ỻymaf vyd y gỽaỽ o|e vlaen. 
ỻawer a|m haỽl ny|m|dyly. 
ỻeilei lymeit yg|gaeaf. 
ỻewit kywestach.  [ na gỽarth.
ỻỽm o|van. a tham o|dorth. ny cheidỽ ỽyneb ys gỽ  ̷+
ỻỽm tir ny phoro dauat. 
ỻaỽer geir yn|wynt a|a heibaỽ. 
ỻaỽ mab yn|ỻawes y dat. 
ỻettaf vyd y|bisswelyn bo mỽyhaf y sathrer. 
ỻad gỽaet o|e dỽylaỽ. a|e deu troet. 
ỻaỽ paỽb ar y anaele. 

1072

ỻeturyt ỻad y gedymdeith. 
ỻyma y maes ar ysgyuarnaỽc. 
ỻawen meicheit pan vo gỽyn. 
ỻif yn auon hinon vyd. 
ỻaỽ vrys ỻaỽ gywreint. 
ỻaỽer kar baỽ ymdec. 
ỻiaỽs y anaf. ny garer. 
ỻaỽn y bobi golỽyth. 
ỻỽyt ac ynvyt ny dygymyd. 
ỻaỽ diryeit a|didaỽl y pherchen. 
ỻedit moỻt ny diuyd. 
ỻygat kywreint. ym|penn agkywrein. 
ỻeas paỽb pan ry|dynghir. 
ỻỽyth gỽr y gorỽc. ~  
ỻauuryus ỻaỽ gywreint. 
ỻeis maen yn oerdỽfyr. 
ỻewit bỽyt ny bo beichaỽc. ~ ~  
M Oes pob tut yn|y tut. 
al* un oỻ y meud grugunan. 
Mal ederyn ar y geing. 
Mal dyrnaỽt penn. 
Mal dryc·uonhedic a|e|ich. 
Mal ỻiỽ mel y ar drein. 
Mal cogeil gỽreic uusgreỻ. 
Mal y moch am y ffaỽyd. 
Meheuin heulaỽc a wna medel mochdurryaỽc.
Mab cof. gỽrach gof. 
March a syrth y ar y pedwartroet. 
Molyant gỽehyd uarỽ. 
March a|wyl yr yt. ac ny|wyl y kae. 
Marchaỽc a|vyd gỽedy gỽyl. 
March y diaỽc ki y lỽth. 
Mal ki a|baỽ ar y benn. 
Mel a|e gola. 
Mal y|bo y|dyn y byd y lỽdỽn. 
Mal bỽyt hely  
Mei oer a|wna ysgubaỽr dỽym. 
Mal y ỻyffan adan yr oc. 
Mal raỽ ym missweil. 
Mamm uechan a difenỽ y phlant. 
Mal y iar a|e baỽ y myỽn. a|e hỽy aỻan.