Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 265r

Diarhebion

265r

1061

Coel can hadein. 
Cas dyn yma. cas duỽ vry. 
Cỽymp ar galetlaỽr  
Coỻes y glydỽr a|gyrchaỽd ty y adỽr. 
Cann ỽst gann heneint. 
Cyssul hen ny|th attỽc. 
Cu anneir wedy preid. 
Chwegach bỽyt keỽyd. 
Cassec cloff. cloff y hebaỽl. 
Cant mỽyn mab yn ty. 
Craff ki kaledach asgỽrn  
Can rewyd ny vyd peỻ rin. 
Chwerdit bryt ỽrth agaraỽr. 
Cos tin taeaỽc ef a|gach y|th uos. ~  
D Jgaỽn duỽ da y unic. 
ysgu* grad y hen uarch. 
Diwyttaf y vleid y gennat e hun. 
Dyckit amhỽyỻ y rann. 
Dywal dir uyd y obeith. 
Daỻ pob aghyuarwyd. 
Drythyỻ maen yn ỻaỽ eidyl. 
Diryeit a|geiff draen yn|y iỽt. 
Deuweith a|uyd gan gywreint. 
Defnyd·uaỽr pob aghywreint. 
Drỽc a drycwas. gỽaeth hebdaỽ. 
Diwyl yỽ agheu. diwylach a|edeu. 
Dyro venffic y noeth ny|s keffy drannoeth. 
Digu paỽb o anadyl y pibyd. 
Drycweith dwyweith y gwneir. 
Diryeit ny haỽd ueid hedwch. 
Dedwyd a gar datolỽch. 
Drut a|dal deu kyflet. 
Da gỽr mal paỽb. 
Dir yỽ gadel peth o|r|dỽfyr heibyaỽ. 
Dygymyrrit haearn hoedel dyn. 
Dyweit ỻauar ny|wypo. 
Dihunit a|brydero. 
Dyly mach ny dyly dim. 
Diffrỽy duỽ diaỽc. 
Drut gann deu lw. 
Dewin pob eidic  

1062

Dyro lynn y|doeth. doethach vyd. 
Diỻat a|gynnỽys. 
Dinas a diffyd diffeith. 
Dot dy laỽ ar dy gallon. 
Digrif gan bob ederyn y leis. 
Dyỻun yn ỻaỽ hen vab. 
Daỻ·vydar pob trỽch. 
Dic paỽb rac a|e kar os kaỽd. 
Dryssỽys y garthen. 
Digaỽn yỽ gỽare rynnaỽd. 
Damwein pob hely. 
Drỽc a|lys ny atter gỽat. 
Dy|gas a|th erlyn. 
Da yỽ a|seif. ac ny|waner. 
Detwyd y|r a|e|gỽyl a|e kar. 
Detwyd douyd a|e ryd rat. 
Dyckit duỽ daffar o|laỽ. 
Dygyn yỽ adaỽ agaraỽr. 
Douyd dihirweith aros. 
Duỽ kadarn a uarn pob iaỽn. 
Drut y|dala. doeth y estỽng. 
Dygystud deurud dagreu. 
Drỽc paỽb o|e wybot. 
Dyckit chỽant dros peiryant pỽyỻ. 
Duỽ a|rannỽys. nef a|gauas.
Duỽ a|ued dyn a|leueir. 
Da yỽ|r maen gyt a|r euengyl. 
Dechreu blaen karrei o uoly. 
Dangos dy vys y valaỽc. ynteu. a|e|heirch yn|gỽbyl.
Dewis paỽb o|e ginyaỽ. 
Deint y ki ỽrth yr hỽch. 
Dihengit ry wann. elit ry|gadarn. 
Drỽc y|ỽr fford nyt eler idi namyn vnweith. 
Drỽc pechaỽt o|e beỻ erlit. 
Doeth a|dỽyỻir deirgỽeith. ny thỽyỻir drut
namyn vn weith. 
Dybyd y reỽ y lyffant. 
Dangos lwybyr y gyuarwyd. 
Dala dy ty am a|vo. a|diofryt a|darffo. 
Diryeit a glut y detwyd ac o uor. ac|o|vynyd.
Digaỽn da diwyt gennat.