BL Harley MS. 958 – page 43v
Llyfr Blegywryd
43v
ẏr enỻẏn. A|thrugeint dros ẏ llẏn. A hẏnnẏ
onẏ thelẏr ẏ westua ẏn amseraỽl. Messur
gwestua brenhin ẏỽ. pỽn o ulaỽt gỽenith.
a|chic ẏch. A seith dreua o geirch vn rỽẏm.
A dogẏn o vel ẏn vn gerỽẏn. Naỽ dẏrnued
uẏd uchet ẏ gerỽẏn pan vessurer ar|ỽẏr o|r
cleis draỽ ẏ|r emẏl ẏma. A phedeir ar|huge+
int o arẏant. onẏ|s rẏdha ẏ vreint ẏ|talaỽ+
dẏr. Gỽerth kerỽẏneit ued a|taler ẏ|r bren+
hẏn. hweugeint ẏỽ. A chẏmeint ẏ dẏlẏ ẏ
gerỽẏn uot. ac ẏ gaỻo ẏ brenhin a|e heneuẏd
eneinhaỽ ẏndi. A|r cỽẏr a rennir ẏn teir ran.
Y|traẏan ẏ|r brenhin. A|r traẏan ẏ|r neb a|e gỽ+
nel. A|r traẏan ẏ|r neb a|e rotho. O tref rẏd ẏ
bo maer neu gẏgheỻaỽr. med a telir. O tref
rẏd dissỽẏd bragaỽt a telir. Onẏ|cheffir med
dỽẏ gerỽẏn o vragaỽt a|telir. Onẏ cheffir
bragaỽt. pedeir o gỽrỽf a telir. Veỻẏ ẏ bẏd
dros westua gaẏaf.
P edeir rantir a|uẏd ẏn|ẏ tref ẏ talher gỽest+
ua brenhin ohonei. Pan talher gỽestua
haf nẏ thelir nac arẏant nac ebran. Ẏ|gỽest+
ua haf ẏ telir petwar daỽnbỽẏt heb arẏant
heb ebran heb gỽrỽf. A chic buch vras. heb
groen heb amẏscar. Dros tri daỽnbỽẏt haf
ẏ telir ẏ uuch. Dros ẏ petwẏrẏd ẏ telir Ma+
| « p 43r | p 44r » |