BL Harley MS. 958 – page 26v
Llyfr Blegywryd
26v
gỽẏstil ẏn|ẏ erbẏn. Ae godef trỽẏ ẏ|gỽrth+
ỽẏneb hỽnnỽ dangos ẏna neu ar oet bra+
ỽt teilẏghach o gẏfreith ẏscriuenedic. O|r
dẏrẏ gỽẏstẏl. ẏ neb ẏ gorffer arnaỽ. coỻet
werth ẏ tauot. Os godef ef kẏn gorffo ẏ
ỻaỻ. nẏ chẏỻ ẏ braỽdỽr o·nẏt camlỽrỽ Ac
onẏ oruẏd ẏ ỻaỻ. camlỽrỽ a gẏỻ. Ny bẏd
kẏlus neb braỽdỽr ẏr rodi a datganu braỽt
o aỽdurdaut ẏscriuenedic kẏnẏ bo iaỽn
o·nẏ|s kadarnha trỽẏ ỽẏstẏl. namẏn ẏr
aỽdurdaỽt a dẏlẏir ẏ|chablu. O|r datga+
na braỽdỽr varn heb lyfẏr kẏfreith ẏn y
ỻẏs ac na|s kadarnhao o|r ỽẏstẏl ẏn erbẏn
gỽẏstẏl ẏ ỻaỻ talet ẏ|r brenhin gamlỽ+
rỽ. Ac ẏspeit a geiff ẏ rodi ẏ varn o newyd
rỽg ẏ dadleuwẏr. ae* ẏ gadarnhau ae hon+
no ae araỻ. O|r dẏrẏ braỽdỽr braỽt
falst rỽg dadleuwẏr. A godef ẏ vraỽt o+
honunt ẏn|ẏ ỻẏs A gwedi hẏnnẏ rodi
braỽt iaỽn ohonaỽ mẏỽn dadẏl gẏffe+
lẏp. talet ẏ|r brenhin camlỽrỽ dros ẏ
vraỽt falst a rodes gẏnt kanẏs e|hu+
nan megẏs tẏst credadỽẏ a dangosses trỽẏ
vraỽt iaỽn rẏ|rodi ohonaỽ vraỽt gam kẏn
no hẏnnẏ. O|r dẏrẏ bratỽr* cam·vraỽt ẏn
erbẏn dẏn nẏ aỻo trỽẏ gẏfreith ẏmỽy+
| « p 26r | p 27r » |