Breudwd Welsh Prose 1300-1425
Cymraeg

BL Harley MS. 958 – page 26r

Llyfr Blegywryd

26r

der tir. Ac ueỻẏ breint sỽẏd ẏssẏd priodol+
der sỽẏd. Ac ỽrth hẏnnẏ pan wahanher
braỽtỽr sỽẏdaỽc a|e sỽẏd trỽẏ gẏfreith.
veỻẏ ẏ gwehenir a|breint ẏ sỽẏd. Yspeit
ẏ dosparth braỽt amrẏsson rỽg deu wystẏl
a rother erbẏn ẏn erbẏn ẏn ỻaỽ ẏ brenhin
pẏmthec niwarnaỽt. Ac ual hẏn ẏ|dosperthir
ẏn gẏntaf|ẏ dẏlẏ ẏ brenhin ẏn hedẏchawl
gwarandaỽ ẏn|ẏ ỻẏs amrẏsson ẏ neb a rth+
ỽẏneppo ẏ braỽdỽr. Ac odẏna attep ẏ|bra+
dỽr ol ẏn ol. O·dẏna ẏ neb a dẏwetto ẏn er+
bẏn ẏ braỽdỽr a dẏlẏ dangos o lẏfẏr kẏf+
reith. braỽt teilẏghach no|r hon a dangosses
|braỽdỽr. os dẏchaỽn. veỻẏ ẏ|goruẏd ef ẏ
braỽtỽr. Onẏ|s dichaỽn ẏ braỽdỽr bieu ẏ gor+
uot. kanẏ dichaỽn neb anteilẏgu braỽt
ẏn erbẏn gỽẏstẏl ẏ braỽtỽr. onẏ eiỻ ẏn+
teu dangos a|uo teilẏghach ẏn ẏscriuenedic.
Os ẏr amrẏsson o|r deu erbẏn ẏn erbẏn a
uẏd ẏg|kẏfreith scriuenedic. ẏ dosparth a do+
dir ar ẏ canonwẏr a aruerhont o wirẏoned
a|r hẏn a welher ẏn|nessaf ẏ|r wẏrẏoned.
teilẏghaf ẏỽ ẏ gẏnhal ẏn|ẏ gẏfreith. O|r
dẏrẏ neb ỽẏstẏl ẏn erbẏn braỽt a rotho o
braỽdhỽr ac a|datganho heb lẏfẏr kẏfreith
kẏdrẏchaỽl. ẏ braỽdỽr bieu dewis ae rodi