Breudwd Welsh Prose 1300-1425
Cymraeg

BL Harley MS. 958 – page 24v

Llyfr Blegywryd

24v

T ri rẏỽ vraỽtwẏr ẏssẏd ẏ|ghẏmrẏ
herwẏd kẏfreith howel da. Braỽd+
ỽr ỻẏs pennadỽr herwẏd swẏd gẏt
a brenhin dinefỽr. ac Aberffraỽ ẏn wa+
stat. Ac vn braỽdỽr. Kẏmhỽt neu can+
tref herwẏd sỽẏd ẏm pob ỻẏs o dadleueu
gỽẏned a phowẏs. A braỽdỽr o vreint ẏ
tir ẏm pob ỻẏs kẏmhỽt neu gantref
o deheubarth nẏt amgen pob perchennaỽc
tir. Pob braỽdỽr sỽẏdaỽc a geiff pedeir kei+
naỽc kẏfreith dros pob braỽt a|talho kẏm+
eint a hẏnnẏ ẏ gan ẏ neb ẏ barnho idaỽ.
Braỽdỽr o vreint ẏ tir hagen nẏ cheiff i
gwerth dros ẏ vraỽt. kanẏs gwassanaeth
|tir ẏỽ. Yspeit pob braỽdỽr ẏ rodi ẏỽ* barn
rỽg dadleuwẏr onẏ|s gỽẏbẏd. pẏmthec
diwarnaỽt. kanẏ dẏlẏir gossot oet dadleu
ẏn ỻei ẏspeit no hẏnnẏ. Ac os braỽdỽr sỽẏ+
daỽc uẏd. ẏna barnet ẏ|dadẏl a oed ar oed.
neu talet ẏ|sỽẏd ẏ|r brenhin heb amgen gol+
let. Kanẏ dẏlẏ neb gẏnhal sỽẏd ẏn hỽẏ noc
ẏ gaỻo wneuthur ẏ gwassanaeth ẏn|ẏ am+
ser. Os braỽdwẏr o vreint tir a archant
ẏspeit am vraỽt. Ae o pedruster. ae o eisseu
rei o wẏr ẏ ỻẏs. ẏ rei kẏdrẏchaỽl a gahant
oet heb tỽg. a|r brenhin a|dẏlẏ kẏmheỻ ẏ