Breudwd Welsh Prose 1300-1425
Cymraeg

BL Harley MS. 4353 – page 45v

Llyfr Cyfnerth

45v

int o|r genedyl a|e gỽatta. A|r mab hynhaf y|r
gỽr yd oed y mab ar y gystlỽn bieu tygu yn| y
blaen. Tri lle ny dyly dyn rodi llỽ gỽeilyd.
Vn yỽ ar pont vn pren heb ganllaỽ. Eil yỽ
ar porth y vyn·went. kanys canu y pater a| dy+
ly yna rac eneiteu cristonogyon y byt. Try  ̷+
dyd yỽ ar drỽs yr eglỽys. kanys canu y pater
a| dyly yna rac bron y groc. Hyn o dynyon a| di  ̷+
einc rac llỽ gỽeilyd. arglỽyd. ac escob. a mut
a bydar ac aghyfieithus a| gỽreic veichaỽc.
Teir gormes doeth ynt; meddaỽt. A godineb.
a dryc·anyan. Tri dyn a| dyly tauodyaỽc yn
llys drostunt. gỽreic. A chryc anyanaỽl. Ac all  ̷+
tut aghyfieithus. Vn dyn a| dyly dewis y taf  ̷+
odyaỽt. arglỽyd. Tri llydyn digyfreith eu gỽe  ̷+
ithret yn eu hydref ar aniueileit mut. ystal  ̷+
ỽyn. A tharỽ trefgord. a baed kenuein. Tri
llydyn nyt oes werth kyfreith arnunt. knyỽ
hỽch. A bitheiat. A broch. Tri gỽaet digyfreith
yssyd. gỽaet o pen crach. A gỽaet froen. A gỽa  ̷+
et deint. ony threwir trỽy lit. Tri than digy  ̷+
ureith eu gỽeithret. tan godeith o hanher ma  ̷+
ỽrth hyt hanher ebrill. A than eneint trefgord.
A than gefeil a| uo naỽ kam y ỽrth y tref. A tho
banadyl neu tywarch erni. Tri edyn y dyly