Breudwd Welsh Prose 1300-1425
Cymraeg

BL Cotton Titus MS. D IX – page 45r

Llyfr Blegywryd

45r

a|gyll camlỽrỽ. TRdyryi dyn ny|allant ym+
ỽystlaỽ yn erbyn braỽt trỽy gyureith; vn
yỽ. brenhin lle ny allo herỽyd kyureith
seuyll y|myỽn dadyl gyr bronn y|braỽdỽr
y holi neu y atteb trỽy vreint annyanaỽl.
neu trỽy vreint y|tir mal breyr aneu arall.
Eil yỽ; dyn eglỽyssic rỽymedic yn vrdeu
kyssegredic. Trydyd yỽ; dyn eglỽyssic rỽy+
medic yg|kreued. kanny dichaun neb her+
ỽyd kyureith rodi gỽystyl yn erbyn bra+
ỽt onyt dan berigyl werth y tauot. ac
nyt oes gỽerth gossodedic yg|kyureith
hyỽel ar aelaỽt. a gỽaet. a sarhaet dyn
eglỽyssic. ac vrth hynny ny eill neb ohon+
unt ỽy rodi gỽystyl yn erbyn braỽt. na
chyt a|braỽt. Holl argyỽed segyrffyc a
wnelher y|r eglỽyssỽyr a|dylyir y emenden+
hau vdunt yn|y sened herỽyd kyureith
eglỽyssic. TRi pheth a|dyly pob braỽdỽr
y wairandaỽ y|gan y|kynnhennỽyr kynn
barnu y|neb ohonunt yn ennill nac yn goll+
et nyt amgen. Cỽyn. a|deisyf. aatteb.
Py|bynnac a|gollo peth trỽy vraỽt tre+
myc; ef a|dichaun rodi gỽystyl yn|y erbyn
pan y|mynho o|vyỽn vn dyn* a|blỽydyn. yn|y
vlỽydynn gyntaf y caffo ef iaỽn y|gan y  ̷