Breudwd Welsh Prose 1300-1425
Cymraeg

BL Cotton Titus MS. D IX – page 24v

Llyfr Blegywryd

24v

y|tir. Guerth lleidir a|ỽether*. seith punt. O|R
daỽ lleidyr at offeirat y|adef. ac y|ennỽi y  ̷
getymdeithon am|letrat. a|thygu hyn  ̷+
ny ar drỽs y|vynnỽent. ac ar drỽs y cor
heb erchi eu kelu; byth |bynnac a|darffo
ymdanaỽ wedy hynny. credadỽy vyd yr
offeirat am|yr hynn a|dyỽaỽt y lleidyr ỽr+
thaỽ. kyffelyrb vod a|hynny vyd am dyn a
vannacco lleidyr a|llettrat a|dyccer o|r|tỽg
y vannac mal hynny yg|gỽyd yr offeirat.
Pỽy|bynnac a dyỽetter arnnaỽ anreith+
aỽ dyn; rodet lỽ degỽyr a|deugeint. Man+
agỽr diofredauc o|r daỽ ygyt a|r colledic
at yr offeirat y drỽs yr eglỽys. archet
yr offeirat idaỽ yno yr duỽ na dyỽetto
gelỽyd vrthaỽ. o|r|tỽng yno na dyỽeit
namỽyn gỽir. tyghet y|kyffelyp ar drỽs
y|gagel*a|r|tryded weith vch benn yr alla  ̷+
ỽr. os gỽatta y|dyn kylus wedy hynny;
kadarnnhaet yr offeirat vn weith gỽel+
et ar y|eir teir gỽeith. ac os gỽatta y|dyn
yna; tyghet yr offeirat vn weith gỽelet
y|mannagỽr a|e glybot ynn cadarnnhav
y vannac trỽy tỽg ynn|y mod y gỽn+
naeth ac odynna ny ellir gwat ynn
erbynn hynny. a|hỽnnỽ yỽ|dogyn vanac.