Breudwd Welsh Prose 1300-1425
Cymraeg

NLW MS. 24029 (Boston 5) – page 75

Llyfr Blegywryd

75

el gẏntaf o|r gwelẏ ẏmplith dẏnẏon.
Dros ẏ|kẏntaf ẏ|rodir amobẏr ẏ|that.
Dros ẏr eil; ẏ|rodir ẏ|chowẏll idi hitheu.
Dros ẏ|trẏdẏd; ẏ|tat ẏ|heguedi ẏ|r gwr.
TRi pheth nẏ ellir ẏ|dỽẏn rac gwreic
kẏt gỽahanner a|hi am ẏ cham. Y|chowẏll.
a|e|hafrgẏureu. A|e hỽẏnebỽerth. os|rẏ|g+
auas kẏn|no hẏnnẏ. o|gẏmrẏt o|e gỽr gỽ  ̷+
reic arall ẏnn|ẏ herbẏn. TRi defnẏd ha+
ỽl ẏssẏd; Golỽc. A|geir. A gỽeithret. TRi
golỽc a|dẏgir ẏg|kẏureith. golỽc tẏst o|e
tẏstolẏaeth. A|golỽc managỽr o|e|vanac.
A golỽc llẏgatrud kẏlus; am|lad. neu lo+
sc. neu letrat. TRi geir kẏlus ẏssẏd;
geir ẏ|bo gỽelẏ tauaỽt. A gỽallaỽgeir ẏn
llẏs. A thauotrudẏaeth am lad. neu losc.
neu letrat. TRi rẏỽ wallaỽgeir ẏssẏd;
geir gỽall ẏn holi o|rỽẏ neu eisseu. A geir
gall ẏm* amdiffẏnn o|rỽẏ neu eisseu.
A|geir gỽall ẏn gỽadu. O|r kẏntaf ẏ|kẏll
haỽlỽr ẏ|haỽl o|r a berthẏno ỽrth ẏ|geir
o|r dẏgir tẏston ẏnn|ẏ erbẏn. Ac nẏ|chẏll
camlỽrỽ. Kannẏt oes gamgỽẏn kẏlus
namẏn tri ẏg|kẏureith. O|r eil. neu o|r
trẏdẏd; ẏ|kẏll amdiffẏnnỽr gamlỽrỽ.
A|diuỽẏn ẏ|haỽl o|r a|berthẏno ỽrth ẏ