Breudwd Welsh Prose 1300-1425
Cymraeg

NLW MS. 24029 (Boston 5) – page 61

Llyfr Blegywryd

61

teir gỽeith drostaỽ. o|e gẏwelẏ ẏ nos h
honno. A hẏnnẏ tẏghu ohonnaỽ a|dẏnẏ+
on ẏ|tẏ ẏnn|ẏ reith honno. Eil ẏỽ; ge+
ni a meithrẏn. Tẏghu o|r perchennaỽc
ar|ẏ trẏdẏd o wẏr vn vreint ac ef. gỽe+
let genit ẏr anẏueil. a|e|veithrẏn ar|
helỽ heb ẏ venet teir·nos ẏ|ỽrthaỽ.
nac o rod. nac ar werth. Trẏdẏd ẏỽ;
gwarant. Petwerẏd ẏỽ; cadỽ kynn
coll; a|hẏnnẏ gwneuthur o|r dẏn. ar
|trẏdẏd o|wẏr vn vreint ac ef. kẏn
colli o|r llall ẏ|da; vot ẏ|da hỽnnỽ ẏnn|
helỽ ef. Nẏt oes warant namẏn hẏt
ar teir llaỽ. A|r|tryded amdiffẏnet
trỽẏ gẏfureith. Trẏdẏd petwar
ẏỽ; ẏ petwar|dẏn nẏt naỽd vdunt
ẏn llẏs. nac ẏn llan rac brenhin.
dẏn a|torho naỽd brenhin ẏn vn o|r
teir gỽẏl arbennic ẏn llẏs. Eil ẏỽ;
dẏn a|wẏstler o|e vod ẏ|r brenhin. Trẏ+
dẏd ẏỽ; ẏ gwẏnnossaỽc. ẏ|neb a|dẏlẏ+
ho ẏ borthi ẏ nos honno. ac nẏ|s por+
tho. Petwerẏd ẏỽ ẏ|gaeth. 
T Ri oet kẏfureith ẏ|dial
kelein rỽg dỽẏ genedẏl