Breudwd Welsh Prose 1300-1425
Cymraeg

NLW MS. 24029 (Boston 5) – page 106

Llyfr Blegywryd

106

gwelho. Ac os gordiwed kẏmeret ef.
Ac o|r dieinc ẏ·dan ẏ|olwc; nac erlittyet.
P|wẏstuil bẏnnac a|gaffo dẏn ẏn varỽ
ar tir dẏn arall; o|r byd hẏẏs ẏ|gic. per+
chennaỽc ẏ|tir bieiuẏd. a|r neb a|e kaffo
|chwarthaỽr blaen a|geiff. os hỽch coet
vẏd. os llỽdẏn arall; ẏ wharthaỽr ol a
geiff. Os bỽẏstuil anhẏẏs ẏ|gic vẏd;
perchenn ẏ tir a|dẏrẏ keinnaỽc drostaỽ
|r|neb a|e caffo. Y lle ẏ|gossotter kỽn ẏ
erẏl; ẏ kẏntaf ohonunt a|gẏmero iỽrch.
neu gadno. neu ysgauarnaỽc; ef a|e ber+
chen bieiuẏd. Gwerth llostlẏdan; ẏỽ.
wheugeint. Gwerth beleu ẏỽ; pedeir
ar hugeint. 
O |R lledir ki; neu o|r|dẏgir letrat.
camlỽrỽ a|telir drostaỽ. Dros
gi kẏndeiraỽc. na|thros drỽc
a|wnel nẏ diwgir* dim. LLỽ vn
dyn ẏ|dẏwat ki yssẏd gỽbẏl. Gwerth
keneu gellgi brenhin kẏn agori ẏ|lẏgeit;
pedeir ar|hugeint. nn|ẏ growẏn; vẏth
a|deugeint. nn|ẏ gẏnllỽst; vn ar|bym+
thec a phetwar|ugeint. Ynn|y ouer he+
lẏ; wheugeint a|tal. Pan vo kẏurỽys;