Breudwd Welsh Prose 1300-1425
Cymraeg

BL Additional MS. 19,709 – page 83v

Brut y Brenhinoedd

83v

  a gỽedy ỻad o|e lu whe gwyr a|thrugeint a deg
mil Ac ym|parth y brytanyeit y dygỽydỽys bledrus ty+
wyssaỽc kernyỽ y gỽr a oed penaduryaf ar yr ymlad
hỽnnỽ oỻ ~  
A c odyna yd ymgynuỻassant hoỻ tywyssogẏon
y brytanyeit hyt yg|kaer ỻeon. ac o gyt·duundeb
ỽynt a|vrdassont katuan vab Jago vab beli yn vren+
hin arnadunt. ac erlit edelflet drỽy humyr. A gỽe+
dy koronhau katwaỻaỽn. o goron y|teyrnas ym·gyn+
uỻaỽ a orugant y brytanyeit yn ỻỽyr attaỽ ac yn
gyttunn yd aethant yn ol edelflet drỽy humyr.
A|phan gigleu edelflet vrenhin hynny. ynteu a gyn+
nuỻỽys y hoỻ saesson attaỽ. Ac odyna mal yd oe+
dynt o|pop parth yn bydinaỽ y deuthant eu ketym+
deithon y·rydunt a gỽneuthur tagnefed y·rydunt
ar y|wed hon. gadu y edelflet parth draỽ y humyr
ac y gatuan o|r parth yma. Nyt amgen ỻoeger a|ch+
ymry a chernẏỽ a|choron y teyrnas. a chadarnhau
hẏnnẏ drỽy aruoỻ a gỽystlon a gỽedẏ daruot hẏnnẏ
 vn getymdeithas y·rydunt. ac yd oed gyf+
fredin pop peth y·rydunt. Ac odyna y|daru ysgymot
rỽg edelflet a|e wreic briaỽt. a chymeint vu y gas
erni a hyt pan y deholes o|e gyfoeth a|chymryt gỽ+
reic araỻ a|oruc ynteu. A beichaỽc oed wreic edel+
flet yna. a hyt at gatwaỻaỽn y kyrchaỽd hi y
geissaỽ gan gatwaỻaỽn y chymot a|e gỽr. a gỽedẏ  ̷ ̷