BL Additional MS. 19,709 – page 11v
Brut y Brenhinoedd
11v
ac eu henideu* ac o darffei y rei o·nadunt o nerth ae tar+
yan ae arueu ereiỻ caffel ỻe y ymgudyav drỽy dywyỻ+
ỽch y nos ym|plith y kerryc y syrthynt yny vrivynt yn
annauus. ac o|diagei neb o|r damwein tyghetuenaỽl
hỽnnỽ y bodynt ar y dyfred geir eu ỻaỽ. ac veỻy breid
oed o|diagei neb yn dianaf o|r ryỽ damwein direidi hỽnnỽ
ac ef. a gỽedy gỽybot o|wyr y casteỻ bot eu harglỽyd yn
ỻad eu gelynyon y·veỻy dyuot aỻan o|r kasteỻ a wnaeth+
ant ỽynteu a deudyblyc aerua onadunt o|r ỻu. a megys
y dywetpỽyt uchot kyrchu a wnaeth brutus bebyỻ y bren+
hin a|e daly ac erchi y garcharu. kanẏs mỽy les a|tyby+
gei y vot o|e garcharu noc o|e lad. Y|toryf a oed y·gyt ac ef
ac ynteu ny orffoỽyssei hono o|lad heb drugared a gyfarffei
a hi. ac yn|y wed honno y|treulynt y|nos yny doeth y dyd. Yny
oed amlỽc gỽelet meint yr aerua a wnathoedynt. ac yna
ỻawenhau a wnaeth brutus a|ranu yr yspeileu a|wnaeth+
pỽyt y·rỽg y|wyr ef a|hyt tra yttoedit yn ranu yr yspeil
yd aethpỽyt a|r brenhin yg|karchar y|r casteỻ. ac yd erchis brutus
kadarnhau y|kadarnhau y casteỻ a|chladu y|kalaned. a gỽedy
daruot hynny ymgynuỻaỽ a|wnaeth brutus a|e lu y·gyt a
diruaỽr lewenẏd a budugolyaeth a|mynet y|r diffeith y|r
ỻe yd oed yr anhedeu a|r gỽraged a|r meibon. ~ ~ ~
A c yna y gelwis brutus y hynafgỽẏr attaỽ y ym·gygor pa
beth a|wnelit am|pandrassus vrenhin goroec. kanys hẏt
tra vei ef yn eu carchar hỽy ac yn eu medyant dir oed
idaỽ gỽneuthur a|uynhynt. ac yna y rodet amryfaelyon gyg+
horeu. Rei a gyghorei erchi idaỽ ran o|e teyrnas gan rydit.
ereiỻ a gyghorei erchi kanhat y vynet y ymeith a|r ryn* a
| « p 11r | p 12r » |