Breudwd Welsh Prose 1300-1425
Cymraeg

BL Additional MS. 14,912 – page 83r

Arwyddion Lloer Ionawr

83r

drỽc vyd yn ỻaỽer ỻe a ỻosc yn am+
yl a marỽ y gỽraget a ferigul y
ỻongeu a haf glaỽaỽc a|r gỽenith
yn ddyn ac amlder o oleỽ digrif˄hau
a|ỽna y gỽaged oc eu kyrf a thỽyỻ
a|brat a vyd ym|plith. y bobyl. [ Os
duỽ merchyr vyd prif ỻoer Jonaỽr
amlder vydd o ỽin ac yt ac a·valeu
a negesseu aml y|r bobyl a ỻaỽer o
ỽyr a ỻeddir Gayaf gỽressaỽc gỽ+
lyboraỽc a vyd gỽannỽyn gỽlybora+
ỽc garỽ a maỻ vyd ar y gỽraged
a neỽyn yn ỻaỽer ỻe a meirỽ vyd
yr hen|ddynyon ac ny byd aml mel.
[ Os duỽ Jeu vyd prif amylder
vydd o bob ryỽ dda yn y vlỽydyn
honno yr avonyd a vyddant
gyfflaỽn o bysgaỽt ac aml vyd