Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 7v

Llyfr Blegywryd

7v

or lledir dyn am hỽnnỽ; ny thelir dim
drostaỽ kyn bo gỽiryon. cany eill ke+
nedyl wadu yn|y varỽ yr hyn ny wa+
daỽd ef yn|y vywyt. Oer·gỽymp ga+
lanas yỽ pan latho dyn dyn arall
a dodi oet y wneuthur iaỽn drostaỽ
ae lad ae* lad* ynteu o dyn o genedyl
arall nys dylyo. oer gỽymp galanas
y gelwir hynny rac trymhet y golli
ef. ac adaỽ y gyflauan a wnathoed
ar y genedyl. A goruot y thalu. Pỽy
bynhac a watto llad dyn y myỽn llu;
talet wheugeint. A rodet lỽ degwyr
a deuvgeint. Y neb a|wnel kynllỽyn
talet dirỽy deudyblyc yr brenhin. A
gỽerth y dyn yn deudyblyc a telir yr ge+
nedyl herwyd breint y dyn. tan.
O Naỽ affeith tan; kyntaf yỽ;
kyghori mynet y loski. Eil yỽ
duunaỽ ar neb a losco. Trydyd yỽ;
mynet yg|kedymdeithas y neb a losco
hyt y lle y llosker. Petwyryd yỽ ymdỽyn
y rỽyll. Pymhet yỽ llad y tan. whechet