Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 5r

Llyfr Blegywryd

5r

llofrud pan el y lad y dyn. Chwechet
yỽ dyfot y|gyt ar llofrud yr tref y
bo y dyn a lather yndi. Seithuet yỽ
kymorth y llofrud o lad y dyn. ỽyth  ̷+
uet yỽ; ardỽyaỽ y dyn hyny del y
dyn ae llatho. Naỽuet yỽ edrych ar
lad y dyn gan y odef. Dros pob vn or
tri kyntaf or affeithoed ot adefir;
naỽ vgeint aryant a telir. A llỽ can  ̷+
hỽr y diwat gollỽg gỽaet or gofyn+
hir. Dros pob vn or eil tri; deu·naỽ
vgeint aryant a telir a llỽ deu canhỽr
y wadu llofrudyaeth. Dros pob vn
or tri diwethaf; y telir tri naỽ vgeint
aryant. a llỽ try·chanhỽr y wadu
llofrudyaeth or gofynhir. Pỽy byn  ̷+
hac a watto llofrudyaeth ae haffei+
theu yn hollaỽl; llỽ deg wyr a deu v  ̷+
geint a dyry. A reith gỽlat yỽ honno
a diwat coet a maes y gelwir. Ac yn
gyffelyb y hynny; pỽy bynhac a wat  ̷+
to llofrudyaeth ar wahan y ỽrth yr
yr* affeitheu. neu vn affeith heb amgen;