Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 58v

Llyfr Blegywryd

58v

thyneu. canys brenhin bieu tir y te  ̷+
yrnas oll. ac ony ỽrtheb or tir yn vfyd;
y brenhin bieiuyd. kyt gallo gỽr e  ̷+
glỽyssic uot y myỽn barn o ureint
tir gyt a lleygyon hyny uo amser
y datganu; ny digaỽn datganu barn
trỽy gyfreith rỽg kynhenusson.
kanyt oes werth kyfreith ar y ta  ̷+
uaỽt trỽy yr hỽn y poenir pob braỽ  ̷+
dỽr a rotho cam vraỽt os cadarnha
trỽy ymỽystlaỽ. O teir fford y dos+
perthir braỽt gyghaỽs. kyntaf yỽ
trỽy odef. canys godef a tyrr pob
kyghaỽs. Os braỽdỽr a odef gỽystyl
gỽystyl* yn erbyn y varn yn tagnef  ̷+
edus heb rodi gỽystyl yna. dygỽyd  ̷+
edic vyd y varn. Eil yỽ braỽtlyfyr
rỽg deu ỽystyl. Sef yỽ hynny gỽystyl
a rother yn erbyn barn. a gỽystyl
arall a rother gyt ar varn honno
Tryded yỽ fford. braỽdỽr bieu dos  ̷+
parth rỽg deu dyn yg|kyghaỽs
am y varn a rodassei vdunt heb
ymỽystlaỽ ac ef. Tri pheth a dyly