Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 53r

Llyfr Blegywryd

53r

achaỽs yỽ; rac anunnaỽ or ygneit
ac am dywedut o gyfreith y mae y naỽ+
uetdyn a gredir y tystolyaeth e hun
yỽ braỽdỽr am y vraỽt rỽg dỽy pleit
or byd amrysson y·rydunt. Ny ellir
heuyt ymỽystlaỽ a neb am varn o  ̷+
nyt ar neb ae datganho. kanys gỽedy
datganu y varn y mae rodi gỽystyl y+
n|y herbyn. Tri amheu braỽt yssyd
vn yỽ. bot amrysson rỽg haỽlỽr ac
amdiffynnỽr am y varn a rodit vd+
unt. Ac yna y mae y dosparth. ar y
braỽdỽr ae rodassei. Eil yỽ bot am+
rysson rỽg haỽlỽr a braỽdỽr. Ac ym+
ỽystlaỽ am y varn. Trydyd yỽ bot ym  ̷+
ỽystlaỽ rỽg amdiffynnỽr a braỽdỽr
am y vraỽt. Ac am y deu ymỽystlaỽ
hynny yt vyd y dosparth ar aỽdurdaỽt
lythyraỽl. canys diledyf gyffredin vyd yr
aỽdurdaỽt. Sef yỽ hynny y braỽtlyfyr.
TRi ryỽ vraỽtwyr yssyd yg|kymry
herwyd kyfreith hywel da. braỽdỽr
llys peunydyaỽl herwyd sỽyd gyt a bren+
hin dinefỽr. neu aberffraỽ yn wastat.